கம்பன்அடிப்பொடி

மீனாட்சி பழனியப்பா அறக்கட்டளை

2011-12-31T07:25:00.001-08:00

காரைக்குடி கம்பன் கழகத்தில் மீனாட்சி பழனியப்பா அறக்கட்டளை சார்பில் வ்ரும் 7.1.2012 ஆம் நாளில் மாலை ஆறுமணியளவில் கம்பன் மணிமண்டபத்தில் முனைவர் தெ. ஞானசுந்தரம் அவர்கள் கம்பர் போற்றிய கவிஞர் என்ற தலைப்பில் உரையாற்ற உள்ளார்கள். இவ்வுரை வரும் 3-3-2012 அன்று நடைபெறவுள்ள கம்பன் விழாவில் நூல்வடிவாக வெளியிடப் பெறஉள்ளது. அனைவரும் வருக. அழைப்பிதழ் இணைக்கப் பெற்றுள்ளது.இவ்விழாவிற்கு அழகப்பா பல்கலைக்கழகத்தின் பதிவாளர் திருமதி கா. மணிமேகலைஅவர்கள் தலைமையேற்க உள்ளார். வரவேற்புரையாற்ற திரு. கம்பன் அடிசூடி அவர்களும் நன்றியுரையாற்ற அறங்காவலர் திரு. நா. மெய்யப்பன் அவர்களும் இசைந்துள்ளனர்.அனைவரும் வருக. இரவு சிற்றுண்டிக்கும் ஏற்பாடு செய்யப்பெற்றுள்ளது,

டிசம்பர் மாதக் கூட்டம்

2011-11-25T05:28:00.000-08:00

காரைக்குடி கம்பன் கழகத்தின் டிசம்பர் மாதக் கூட்டம் வரும் 3.12.2011 (சனிக்கிழமை ) அன்று கம்பன் மணிமண்டபத்தில் நடைபெற உள்ளது. இவ்விழாவில் கம்பன் காட்டும் ஆசிரியப் பெருமக்கள் என்ற தலைப்பில் ஒக்கூர் சோம சுந்தரம் மேல்நிலைப்பள்ளியின் தமிழாசிரியர் நாச்சம்மை கண்ணன் அவர்களும், கம்பன் கூறும் இசை நுட்பங்கள் என்ற தலைப்பில் தமிழ்ப்பல்கலைக்கழக இசைத்துறைப் பேராசிரியர் முனைவர் செ. கற்பகம் அவர்களும் உரையாற்ற உள்ளனர். நிகழ்வு மிகச் சரியாக மாலை ஆறுமணிக்குத் தொடங்கும். நிகழ்ச்சி ஏற்பாடு எம்.கே சுந்தரம் செட்டியார் சன் நகைக்கடை, காரைக்குடி அனைவரும் வருக.

காரைக்குடி கம்பன் கழக நவம்பர் மாதக் கூட்டம்

2011-11-03T00:12:00.000-07:00

காரைக்குடி கம்பன் கழகத்தின் நவம்பர் 2011 மாதக் கூட்டம் 5-11-2011 அன்று நடைபெற உள்ளது. அனைவரும் கம்பன் மணிமண்டபத்திற்கு 6 மணியளவி்ல் வந்து சேரவேண்டியது. தேவகோட்டை புனித சின்னப்பர் கல்வியியல்கல்லூரியின் கணினி அறிவியல் துறை மாணாக்கி செல்வி வீ.பிரபா கம்பனில் இளைய தலைமுறை என்ற தலைப்பிலும், காரைக்குடி அழகப்பா பல்கலைக் கழக தமிழாய்வுத் துறை இணைப் பேராசிரியர் முனைவர் சே. செந்தமிழ்ப்பாவை அவர்கள் கம்பனில் இலக்கிய மரபும் மாற்றமும் என்ற தலைப்பிலும் உரை நிகழ்த்த உள்ளனர். கம்பன் புகழ்பாடிக் கன்னித்தமிழ் வளர்க்க அனைவரும் வந்திட அன்புடன் வேண்டுகின்றோம்.

செப்டம்பர் மாதக் கூட்டம் காரைக்குடி கம்பன் கழகம்

2011-08-29T02:36:00.000-07:00

காரைக்குடி கம்பன் கழகத்தின் செப்டம்பர் 2011 மாதக்கூட்டத்தில் திரு சி. சு முருகேசன் அவர்களும், திரு சொ. சொ. மீ. சுந்தரம் அவர்களும் முறையே கம்பனில் வாழ்வியல், கம்பன் அடியார்கள் என்ற தலைப்பில் உரையாற்ற உள்ளார்கள் இந்நிகழ்வு 3.09.2011 அன்று மாலை 6 மணியளவில நடைபெற உள்ளது அனைவரும் வருக

காரைக்குடி கம்பன் கழகத்தில் ஜீலை மாதக் கூட்டம் 2.7.2011

2011-06-27T08:44:00.000-07:00

காரைக்குடி கம்பன் கழகத்தில் ஜீலை மாதக் கூட்டம் 2.7.2011 அன்று மாலைஆறுமணி அளவில் கம்பன் மணிமண்டப அரங்கில் நிகழ உள்ளது. கம்பனில் வானொலி என்ற தலைப்பில் திருமதி பாரதி (திருச்சிராப்பள்ளி வானொலி நிலைய அறிவிப்பாளர்) அவர்கள் பேச உள்ளார்.
கவிஞர் மீனவன் அவர்களும் சிறப்புரை ஆற்ற உள்ளார் அனைவரும் வருக.

இலக்கியச்செம்மல் பட்டம் பெற்றுள்ள பழ.பழனியப்பன்,

2011-06-17T04:13:00.000-07:00

தரமான கல்வி: ஆசிரியர்களுக்கு பொன்னம்பல அடிகளார் வேண்டுகோள்

First Published : 15 Jun 2011 12:00:02 PM IST

காரைக்குடி, ஜூன் 14: மாணவர்களை தங்கள் குழந்தைகளாக ஆசிரியர்கள் நினைத்துப் பார்த்தால்தான் தரமான கல்வியை கற்றுத் தர முடியும் என்று பொன்னம்பல அடிகளார் கூறினார்.

சிவகங்கை மாவட்டம் குன்றக்குடியில் திங்கள்கிழமை வைகாசி விசாகத் திருவிழா நடைபெற்றது. காலையில் அருள்மிகு சண்முகநாதப்பெருமான் குன்றக்குடி ஆதீனத் திருமடத்தில் எழுந்தருளினார். அதைத் தொடர்ந்து பல்வேறு நிகழ்ச்சிகள் நடைபெற்றன.

பின்னர், இரவு நடைபெற்ற பாராட்டு விழாவில் காரைக்குடி கம்பன் கழகச் செயலாளர் கம்பன் அடிசூடி பழ.பழநியப்பனுக்கு அவரது இலக்கியச் சேவையைப் பாராட்டி இலக்கியச் செம்மல் என்ற பட்டத்தைப் பொன்னம்பல அடிகளார் வழங்கினார்.

விழாவில் பொன்னம்பல அடிகளார் பேசியது:÷தாயின் கருவிலிருந்து வெளியே விலங்கு போன்றுதான் மனிதன் பிறக்கிறான். அவனுக்கு மனிதத்தை எது கற்பிக்கிறதோ, அதுதான் கல்வியாகும்.

இலக்கிய உலகம் என்பது எழுத்துகளின் சேர்க்கையல்ல. சொற்களின் கூட்டமல்ல. அது வாழ்க்கையின் கணக்கு. அந்த கணக்கைத்தான் பக்தி இலக்கிய உலகில் அரசர்கள் வெல்வதும், ஆண்டவன் வெல்வதும் அற்புதமல்ல மானுடம் வென்றதம்மா.. என்று உரக்கக் கூறினான் கம்பன். அந்த கம்பனை போற்றிய கம்பன் அடிப்பொடியார் இந்த மண்ணிலே வாழ்ந்தவர். கம்பன் அடிப்பொடியாரின் சீடராக இருந்து இன்று பாராட்டுப் பெற்றுள்ளவர்தான் பழ.பழநியப்பன்.

தரமான இலக்கியத்தை சமூகத்துக்குச் சரியாகச் சொல்வது இன்றைய காலத்தின் தேவையாக இருக்கிறது. இந்த தேவையை பூர்த்தி செய்துவரும் பழ.பழநியப்பன் மேலாண்மைத் துறையில் பயிற்சிபெற்றவர். மேடையில் பேசுகின்றவை காற்றோடு போய்விடாமல் நூலாக ஆவணப்படுத்தும் பணியையும் பழ.பழநியப்பன் செய்திருக்கிறார்.

இங்கு பள்ளி மாணவ, மாணவிகள் அரசுப் பொதுத்தேர்வில் மாவட்ட அளவில் சிறப்பிடம் பெற்றமைக்காக பாராட்டப்பட்டுள்ளனர். கடைக்கோடி கிராமத்தில் பிறந்த மாணவி ஒருவர் சொல்லும்போது அப்பா இல்லை, அம்மாதான் தமக்கு இருக்கிறார் என்று கூறினார். அந்த மாணவிதான் கிராமத்துப் பள்ளிக் கூடத்தில் 480 மதிப்பெண்களை 10-ம் வகுப்பில் எடுத்திருக்கிறார். அவருக்குச் சொல்லிக் கொடுத்த ஆசிரியர்கள் பாராட்டுக்குரியவர்கள். ஆசிரியர்கள் வகுப்பறையில் பயிலுகிற குழந்தைகளை தங்கள் குழந்தைகளாக நினைத்துப் பார்த்தால்தான் தரமான கல்வியை கற்றுக் கொடுக்க முடியும் என்றார் பொன்னம்பல அடிகளார்.

அழகப்பா பல்கலைக்கழக துணைவேந்தர் சேது.சுடலைமுத்து பேசியது:÷இலக்கியச்செம்மல் பட்டம் பெற்றுள்ள பழ.பழனியப்பன், கம்ப ராமாயணத்தில் கட்டுரை, பேச்சு, ஒப்புவித்தல் போட்டிகளை நடத்தி இளைய தலைமுறையினருக்கு இலக்கிய ஆர்வம் ஏற்படுத்தி வருகிறார். கம்பன் ஒரு சிறந்த நிர்வாகி என்ற நூலை எழுதி கம்பனது நிர்வாகத் திறமையை அறியச் செய்திருக்கிறார். அவரது இலக்கியப் பணி மென்மேலும் தொடரவேண்டும் என்றார்.

விழாவில், குன்றக்குடி ஆதீனப் புலவர் க.கதிரேசன் எழுதிய மதுரகவி ஆண்டவரின் சந்த வருகைப் பதிகம், மயூரகிரி முருகன் அநுபூதி என்ற நூலையும், ஆதீனக்கவிஞர் மரு.பரமகுரு குறிப்புரையுடன் கூடிய குன்றக்குடி ஆதீன மகாவித்வான் வீரபத்திரக் கவிராயர் பாடிய குன்றக்குடி குறவஞ்சி எனும் நூலையும் பொன்னம்பல அடிகளார் வெளியிட்டார்.

பேராசிரியர் சேதுபதி நூல் குறித்து ஆய்வுரையாற்றினார். பிள்ளையார்பட்டி கோவிந்தானந்த சுவாமி, ஆறு.மெய்யாண்டவர், பேராசிரியர் அய்க்கண் ஆகியோர் நூலைப் பெற்றுக்கொண்டனர்.

அறக்கட்டளை பற்றிய செய்தி

2011-06-07T20:17:00.001-07:00

4.6.2011 அன்று மாலை நடைபெற்ற அறக்கட்டளைப் பொழிவைப் பற்றிய தினமணியின் செய்தி பின்வருமாறு

காரைக்குடி கம்பன் கழகத்தின் புதுமையான முயற்சி

2011-05-24T20:04:00.001-07:00

காரைக்குடி கம்பன் கழகத்தின் புதுமையான முயற்சி ஒன்று வரும் ஜூன் மாதம் 4 ஆம் தேதி சனிக்கிழமை நிகழ உள்ளது.

காரைக்குடி கம்பன் கழகத்தின் சார்பாக சென்ற ஆண்டு முதல் மாதக் கூட்டங்கள் நடைபெற்று வருகின்றன. இந்த மாதக் கூட்டங்களில் கம்பன் பற்றிய ஆய்வுரைகள் பல அறிஞர்களால் வழங்கப் பெற்று வருகின்றன.

மாதக் கூட்டம் ஆரம்பிக்கப் பெற்று ஓராண்டு நிறைவு பெற்றதைக் கொண்டாடும் வகையில் அறக்கட்டளை ஒன்று நிறுவப்படுகிற்து. சென்னை நந்தனம்கல்லூரியின் தமிழ்த்துறை இணைப்பேராசிரியராக விளங்கும் முனைவர் ந. சேசாத்திரி அவர்கள் தன் தாயார் பெரும் புதூர் கோ. வேதவல்லி அவர்கள் நினைவாக இந்த அறக்கட்டளையை நிறுவியுள்ளார்.

இதுவரை கம்பன் ஆய்வு நிகழாத துறையில் சிறந்த அறிஞரைக் கொண்டு செய்யப்படும் இப்பொழிவு நூலகவும் அன்றே வெளிவருகிறது. வரும் ௪ ஆம் தேதி சனிக்கிழமை மாலை ஆறுமணிக்கு முனைவர் சொ. சேதுபதி அவர்கள் கம்பனைச் சுற்றுச் சூழல் நோக்கில் ஆராய்ந்து கம்பன் காட்டும் உலகு என்ற தலைப்பில் உரையாற்றுகிறார்.
இயற்கை விஞ்ஞானி நம்மாழ்வார் மற்றும் ஆழ்வார் அடியார் பரகாலன் ஆகியோர் இவ்விழாவில் கலந்து கொள்ள உள்ளனர்
கம்பன் மணிமண்டப அரங்கில் நடைபெறவுள்ள இந்நிகழ்விற்கு வருகை தர வேண்டுகிறோம்.

பட்டி மண்டப அணி 1

2011-03-26T01:05:00.000-07:00

கம்பன் திருநாள் மூன்றாம் நாளில் நடைபெற்ற பட்டி மண்டபத்தில் கலந்து கொண்ட மற்றொரு அணியினர்

தினமணிச் செய்தி -பட்டிமண்டபம் 2011

2011-03-26T00:56:00.000-07:00

இவ்வாண்டு கம்பன் விழாவில் நடைபெற்ற பட்டிமண்டப விழாவின் சுருக்கத்தைத் தினமணி நாளிதழ் வெளியிட்டுச் சிறப்பித்தது. அதன்வடிவம்
இது நன்றி -தினமணிக்கு

இலக்கிய வேந்தர் எஸ்.ஆர்.கே

2011-03-21T08:40:00.000-07:00

இலக்கிய வேந்தர் எஸ்.ஆர்.கே.

கிருங்கை சேதுபதி

பொதுவுடைமை நெறிநின்று கம்பனைப் புதுவிதமாக அணுகிய இருபெரும் இலக்கிய மேதைகள் தோழர் ஜீவாவும் எஸ்.ஆர்.கே.யும். காந்தியத்தையும் மார்க்சியத்தையும் இரு கண்களாய்க்கொண்டு எண்ணம், எழுத்து, பேச்சு என எல்லா நிலைகளிலும் தன்னை நிறுத்திக்கொண்டு சமுதாயப் பிணிகளுக்கு மாற்றுத்தேடிப் போராடிய இலக்கிய வேந்தர் எஸ்.ஆர்.கே. என்னும் எஸ்.இராமகிருஷ்ணன்.

தமிழும் ஆங்கிலமும் தாய்மொழிகள் எனப் பிரவகிக்கும் இவரது உரையால், நாட்டரசன்கோட்டையில் பள்ளிப்படைகொண்ட பாட்டரசன் கம்பன் எழுந்துவந்து மில்டனோடு கைகுலுக்கிக் கொண்டது வரலாறு. கால காலத்திற்கும் இந்த உறவு நிலைகொள்ள இவர் முனைந்து எழுதி வழங்கிய ஒப்பீட்டு ஆய்வுக்கு மதுரைப் பல்கலைக்கழகம் முனைவர் பட்டம் வழங்கியது. பி.எச்.டி. பட்டத்தை, "செம்புலமை மெய்க்கீர்த்தி' எனத் தமிழில் சுட்டி, கம்பனடிப்பொடி, எஸ்.ஆர்.கே.யை வாழ்த்தி ஒரு வெண்பா பாடினார்.

பாரதி மரபில் கம்பனோடு வள்ளுவனையும் இளங்கோவடிகளையும் தமது ஆய்வுத்தமிழால் அழகாகப் பதிவுசெய்தார் எஸ்.ஆர்.கே. கூடவே, பல படைப்புகளை மூல நூல்கள் எனக் கொள்ளும் வகையில் தமிழில் திறம்பட மொழிபெயர்ப்புச் செய்தவர்.÷ விடுதலைப்போரில் ஈடுபட்டு மும்முறை சிறைவாசம் ஏற்றவர்: பொதுவுடைமை நெறிதாங்கிப் போராடிய காலத்தில் நான்காண்டுகளுக்கு மேல் தலைமறைவு வாழ்க்கை நடத்தியவர். வீரம் செறிந்த இவரின் வரலாறு, இந்தியத் தமிழ் இலக்கியப் பொதுமை வரலாறு.

நாகை மாவட்டம், மயிலாடுதுறைக்கு அருகே உள்ள கி(ள்)ளிமங்கலம் என்ற சிற்றூரில் வி.கே.சுந்தரம் - மங்களம் தம்பதியருக்கு 1921-ஆம் ஆண்டு ஏப்ரல் 2-ஆம் தேதி மகவாகத் தோன்றியவர் எஸ்.ஆர்.கே. ஆரம்பக் கல்வியை மாயவரத்தில் பெற்ற இவர், அண்ணாமலைப் பல்கலைக்கழகத்தில் இன்டர்மீடியட் வகுப்பில் சேர்ந்தார். இந்திய விடுதலை முழக்கம் ஓங்கி ஒலித்துக்கொண்டிருந்த அக்காலத்தில் தமது தோழர் கே.பாலதண்டாயுதத்துடன் விடுதலைப் போராட்டத்தில் களம் இறங்கினார் எஸ்.ஆர்.கே.÷1936-களில் காங்கிரஸ் பிரசாரக் கூட்டங்களில் விடுதலை முழக்கிய இவர், மார்க்சியத் தத்துவத்தால் பெரிதும் ஈர்க்கப்பட்டார். 1940-41-இல் காசி பனாரஸ் இந்துப் பல்கலைக்கழகத்தில் அறிவியல் மாணவராகச் சேர்ந்தார். அங்கும் மாணவர் இயக்கத்தில் தம்மை இணைத்துக்கொண்டு இயங்கினார். கனல் கக்கும் மொழியில் இந்திய விடுதலை உணர்வை எடுத்துமொழிந்த அவரை உத்தரப்பிரதேச அரசு கைது செய்து காசிச்சிறையில் தள்ளியது. பின்னர் வேலூர் சிறைக்கு மாற்றம் பெற்றார். விடுதலைபெற்றும் சில காலம் வீட்டுக்காவலில் வைக்கப் பெற்றார்.

பின்னர், சேலத்தில் நடைபெற்ற தமிழ்நாடு மாணவர் சம்மேளனத்தின் தென்மண்டல மாநாட்டில், பங்கேற்ற எஸ்.ஆர்.கே., சம்மேளனத்தின் செயலாளரானார். 1942-இல் திருச்சி தேசியக் கல்லூரியில் பயின்ற எஸ்.ஆர்.கே., ஆகஸ்ட் போராட்டத்தில் தீவிரமாக இயங்கினார். பிறகு, படிப்பை உதறிவிட்டு, மாணவர் இயக்கத்தை வலுப்படுத்தும் நோக்கில் 1943 ஜனவரியில் சென்னை சென்றார். ஜனசக்தியில் "தேசபக்தன்', "டைரி', "ஈட்டிமுனை' ஆகிய தலைப்புகளில் கட்டுரை எழுதினார்.

தந்தையார் மறைந்த பின்னர் தம் பங்காக வந்த சொத்தை விற்று, முழுவதையும் கம்யூனிஸ்ட் இயக்கத்திற்கே அளித்த எஸ்.ஆர்.கே., அக்கட்சியின் சாதாரண முழுநேர ஊழியனாக, ஒரு சிறு தொகையைப் பெற்றார். அவருடன் இணைந்து களப்பணி ஆற்றிய டாக்டர் கமலா என்பவரைக் காதலித்து, 1944-இல் கரம் பற்றினார். மூன்று குழந்தைகளுக்குத் தந்தையானார்.

கட்சியில் முழுநேரப் பணியாற்ற முடியாத நிலையில், 1953-இல் மதுரைக்குக் குடிபெயர்ந்த எஸ்.ஆர்.கே., 1953-இல் பேராசிரியர் சங்கரநாராயணனுடன் இணைந்து தனிப்பயிற்சிக் கல்லூரியில் பணியைத் தொடர்ந்தார். முற்றுப்பெறாது நின்ற தம் பட்டப்படிப்பை முடிக்கும் நோக்கோடு, வடநாட்டில் உள்ள உட்கல் பல்கலைக்கழகத்தில் பி.ஏ. பட்டமும், நேபாளப் பல்கலைக் கழகத்தில் எம்.ஏ. பட்டமும் பெற்றார். பின்னர், தமது "கம்பனும் மில்டனும்' ஒப்பீட்டு ஆய்வுக்காக மதுரைப் பல்கலைக்கழகத்தின் முனைவர் பட்டத்தையும் பெற்றார்.

தாம் பெற்ற அறிவைத் தம்மைச் சார்ந்தவர்களும் பெறுதற்குரிய வழியாகத் தனிப்பயிற்சிக் கல்லூரியில் பேராசிரியப்பணி மேற்கொண்டார். சிறந்த பொழிவாளராகவும், சீரிய பத்திரிகையாளராகவும், இனிய மொழிபெயர்ப்பாளராகவும் திகழ்ந்த எஸ்.ஆர்.கே.யைப் பெருமைமிக்க பேராசிரியராக உயர்த்தி மதுரை பேறு பெற்றது.

தந்தை நிகர்த்த தோழராகவும் தாயினும் மிக்க அன்புடையவராகவும் மனிதநேய மேருவாகவும் இவர் விளங்கிய பெற்றியை அவர் காலத்து அறிஞர் உலகம் அனுபவித்து உணர்ந்தது; உயர்ந்தது. வடமொழியோடு, தமிழில் சங்க இலக்கியம் தொடங்கி, சமகால இலக்கியம் வரை ஆழ அறிந்திருந்த எஸ்.ஆர்.கே., ஜீவாவின் தோழர்; ஜெயகாந்தனின் ஆசான்; எத்தனையோ இலக்கியவாதிகளுக்கு இனிய வழிகாட்டி.

உலக சமாதான இயக்கத்துக்குத் தம்மை முழுமையாய் ஒப்புக்கொடுத்த எஸ்.ஆர்.கே., ஐப்சோவின் தமிழ் மாநிலத் தலைவராகப் பல ஆண்டுகள் பணிபுரிந்தார். உலக சமாதான இயக்கத்தின் சார்பில், 1982-இல் பாரதி நூற்றாண்டுவிழாவை உலகமெங்கும் கொண்டாடப் பெருமுயற்சி மேற்கொண்டார். புதுதில்லியில், 64 நாடுகள் பங்குகொண்ட சர்வதேச பாரதி நூற்றாண்டுவிழாவை சிறப்புற நடத்தினார். அதனை ஒட்டி அவர் ஆங்கிலத்தில் எழுதிய நூல்தான், Bharati: Patriot poet Prophetஅதுசமயம், சோவியத் யூனியன், பின்லாந்து, பிரான்ஸ், செக்கோஸ்லாவாகியா, ஹங்கேரி நாடுகளுக்கெல்லாம் சென்று பாரதியின் புகழைப் பரப்பினார். பிராக், கோபன்ஹேகன் நகரங்களில் நடந்த சர்வதேச சமாதான மாநாடுகளில் இந்தியப் பிரதிநிதியாகப் பங்கேற்றார்.

இவர்தம் நூல்கள், வள்ளுவன் கண்ட வாழ்வியல், திருக்குறள் - ஒரு சமுதாயப் பார்வை, திருக்குறள் ஆய்வுரை, இளங்கோவடிகளின் பாத்திரப்படைப்பு, கம்பனும் மில்டனும், கம்பனும் ஷேக்ஸ்பியரும் என்று அற்புத நூல்களை ஆக்கித்தந்தார். The Epic Muse: The Ramayana And Paradise Lost என்ற ஆங்கில நூலையும் படைத்தளித்தார். சீதை குறித்து, "கற்பின் கனலி' என்றும், வாலி குறித்து, "சிறியன சிந்தியாதான்' என்றும், கம்பன் கண்ட அரசியல், கம்பசூத்திரம் ஆகிய நூல்களையும் ஆய்வுலகுக்கு வழங்கினார். ஸ்டாலின் வாழ்க்கை வரலாற்றையும், மார்க்சியப் பொருளாதாரப் பார்வையும் இவர் அளித்த தமிழ்க் கொடைகள். பிரிட்டிஷ் கம்யூனிஸ்ட் தலைவர் ரஜினி பாமி தத் எழுதிய India Today என்னும் ஆங்கில நூலைத் தமிழில் "இன்றைய இந்தியா' என்று வழங்கினார். ரஷ்ய எழுத்தாளர் ஆஸ்திரோவ்ஸ்கி இருபாகங்களாக எழுதிய How the Steel was Tempered என்ற நாவலைத் தமிழில் "வீரம் விளைந்தது' என்ற தலைப்பில் தந்தார். "பள்ளித்தோழன்' என்பது இவர்தம் இன்னொரு மொழிபெயர்ப்பு நூல்.

வடக்கும் தெற்கும் அரசியல் நோக்கில் பகைமை வளர்க்கும் எதிர்முனைகளாகக் கருதப்பட்ட காலத்தில், சமயவாழ்வில் வடக்கும் தெற்கும், இந்தியப் பண்பாடும் தமிழரும் என்று இருபெரும் நூல்களை எஸ்.ஆர்.கே. எழுதினார்.

1983-இல் பார்க்கின்சன் என்னும் நோய் அவரைத் தாக்கியபோதிலும், கணினியின் துணைகொண்டு ஆள்காட்டி விரலால் தட்டித் தட்டித் தம்படைப்புகளைத் தமிழுலகுக்குத் தந்தார். தனக்கு வந்த நோயின் கூறு பற்றியும் அதற்கான சிகிச்சை குறித்தும், அமெரிக்கப் பயணத்தின்போது அங்குள்ள நூல்களைப் படித்துப் புரிந்துகொண்ட அவர், மருத்துவரான தம் துணைவியாரோடு இணைந்து "உங்கள் உடம்பு', "நமது உடல்' ஆகிய உடலியல் தொடர்பான அறிவியல் நூல்களையும் படைத்தளித்திருக்கிறார். பாரதிதாசனைப் பற்றி எழுதவேண்டும் என்ற எண்ணம் நிறைவேறாமலேயே, 1995-ஆம் ஆண்டு ஜூலை 24-ஆம் தேதி இயற்கை எய்தினார்.

பயணப்படி பெறாமல் சொல்மாலை சூட்ட, நாட்டரசன்கோட்டைக்கு வரும்போதெல்லாம், கம்பநாடனுக்குக் காணிக்கையாக மதுரையிலிருந்து மணமிக்க ரோஜா மலர்மாலை கொண்டுவந்து அணிவிக்கும் எஸ்.ஆர்.கே.யின் நினைவு கம்பநேயர்களுக்குள் எப்படி எழாமல்

இருக்கும்? இன்று நாட்டரசன்கோட்டையில் கம்பன் விழா.
நன்றி தினமணி தமிழ் மணி 20 .03 . 2011

நாட்டரசன் கோட்டை - கம்பன்திருநாள் விழா

2011-03-21T08:36:00.000-07:00

நாட்டரசன் கோட்டையில் நடைபெற்ற கம்பன் அடிப்பொடி நினைவுக் கம்பன்திருநாள் விழாவில் அடிகளார் பேசிய பேச்சின் வடிவம் இது.

தேரெழுந்தூர் கம்பன் விழா பட்டிமண்டபம்

2011-03-15T06:08:00.000-07:00

சென்ற ஞாயிற்றுக் கிழமை அன்று அதாவது 13.03.2011 அன்று மாலை 6.30 மணி அளவில் தேரெழுந்தூரில் கம்பர் கோட்டத்தில் கம்பன் விழாவின் இரண்டாம் நிகழ்வான பட்டிமண்டபம் நடைபெற்றது

இதில் நடுவாராக இருந்து திருமதி புனிதா ஏகாம்பரம் அவர்கள் இருந்து நடத்தித்தந்தார்கள். இதில் மு. பழனியப்பன், சுமதிஸ்ரீ, அருணன், இரா.இராமசாமி, பாரதி, சிதம்பரம் ஆகியோர் உரையாற்றினர்
வஞ்சனையில் விஞ்சியவர் கூனியா, சூர்ப்பனகையா என்ற தலைப்பில் விஞ்சியது சூர்ப்பனகையே

அண்ணாமலைப் பல்கலைக்கழகம் வெளியிட்டிருந்த கம்பராமாயண உரைத்தொகுதிகள் மீண்டும் மறுபதிப்பு ஆகியுள்ளன.

2011-03-09T04:38:00.001-08:00

அண்ணாமலைப் பல்கலைக்கழகம் வெளியிட்டிருந்த கம்பராமாயண உரைத்தொகுதிகள் மீண்டும் மறுபதிப்பு ஆகியுள்ளன. வேண்டுவோர் மேற்கண்ட இணைப்பினைப் பாருங்கள்

காரைக்குடியில் கம்பன் திருநாள் 2011

2011-03-08T16:56:00.000-08:00

கம்பன் புகழ் பாடிக் கன்னித்தமிழ் வளர்ப்போம் என்ற முழக்கத்துடன் தொடர்ந்து காரைக்குடியில் எழுபத்து இரண்டு ஆண்டுகளாக இயங்கி வரும் கம்பன் கழகத்தின் இந்த ஆண்டின் விழா மார்ச் மாதம் 17 முதல் தொடங்கி நடைபெற உள்ளது. இந்நிகழ்வில் தமிழக அறிஞர் பெருமக்கள் பலர் கலந்து கொள்ளுகின்றனர்.
நிகழ்ச்சி விபரம் வருமாறு
மார்ச் 17 - கம்பன் மணி மண்டபம் காரைக்குடி மாலை 5.30மணி

தலைவர் சிவ சத்தியமூர்த்தி
வரவேற்புரை- கம்பன் அடிசூடி
தொடக்கவுரை- உயர் நீதி மன்ற வழக்கறிஞர் த. இராமலிங்கம் அவர்கள்
அறக்கட்டளை பொழிவுரை- ச. சிவகாமி - கம்பன் காட்டும் உறவும் நட்பும்
திருமிகு எஸ். என் குப்புசாமி, நா நஞ்சுண்டன் ஆகியோருக்குக் கம்பன் சீர் பரவியப் பெருமை கருதி பாராட்டப் பெறுகிறது.பாராட்டினைச் செய்பவர் பேராசிரியர் புனிதா ஏகாம்பரம்

கம்பனில் திருமுறைகள் என்ற நூலும் இவ்விழாவில் வெளியிடப் பெறுகிறது. இந்நூலை எழுதியவர் பேராசிரியர் சபா. அருணாசலம் ஆவார்.

18.3.2011 அன்று மாலை 5.30 மணி
கம்பன் மணி மண்டபம்
இவ்விழா தனித்த சிறப்புடையது. அகவிழி (புறவிழிக்குறைவினை அகவிழியால் மாற்றுத் திறனாக்கிக் கொண்டவர்கள்) அறிஞர்கள் அரங்கமாக இது புதுமைபட மிளிர்கிறது. இப்படி ஒரு அரங்கம் தமிழகத்திற்கே புதுமை. முதன்மை. இவ்வரங்கின் தலைமை சென்னை நந்தனம் கல்லூரிப் பேராசிரியர் திரு. ந. சேசாத்திரி அவர்கள்
இவரின் கீழ் கம்பனில் பாத்திரமும், பாத்திறமும் ஓங்கி நிற்பது என்ற பொதுத்தலைப்பில் திரு. மா. உத்திராபதி சுமித்திரையே என்றும், திரு ஆ. நாராணசாமி விசுவாமித்திரரே என்றும் திரு. எம் துரை அவர்கள் குகனிலே என்றும் திரு. கு. கோபாலன் அவர்கள் வீடணனிலே என்றும் திருமதி சே. அன்னப் பூரணி அவர்கள் மண்டோதரியிலே என்றும் வாதிட உள்ளனர்.

19.3.2001 அன்று மாலை 5.30 மணி
கம்பன் மணி மண்டபம்
பட்டி மண்டபம்
நடுவர் கலைமாமணி சோ. சத்தியசீலன் அவர்கள்
பொருள் பாத்திரப் படைப்பில் கம்பனைப் பாடாய்ப்படுத்திய பாத்திரம்

கைகேயியே
திருவாளர்கள் த. இராஜாராம், செல்வி ம. சர்மிளா தேவி, மு. பழனியப்பன், கே. கண்ணாத்தாள்
வாலியே
திருவாளர்கள் அ. அறிவொளி. வீ. பிரபா, இரா. மாது, திருமதி ரேவதி சுப்பிரமணியன்

கும்பகருணனே
திருவாளர்கள் வே. சங்கரநாராயணன், செல்வி எஸ்.விஜி, இரா. இராமசாமி, சுமதிஸ்ரீ

என்ற நிலையில் பட்டி மண்டபம் நடைபெற உள்ளது.

20.3.2011
நாட்டரசன் கோட்டை
மாலை 5.30 மணி
கம்பன் அருட்கோயில்
தலைவர் தவத்திரு குன்றக்குடி பொன்னம்பல அடிகளார் அவர்கள்
வரவேற்புரை கண. சுந்தர்
நயம்மலி நாடக அணி - திரு. அ. அ ஞான சுந்தரத்தரசு
கலைமலி கற்பனை - திரு. சொ. சேதுபதி
இனிமைமலி சொல்லாட்சி திரு. மா. சிதம்பரம்
இறைமலி ஈற்றடி- செல்வி இரா. மணிமேகலை
நன்றியுரை திரு. நா. மெய்யப்பன்
அனைவரும் வருக கம்பன் புகழ் பாடிக் கன்னித்தமிழ் வளர்ப்போம்

காரைக்குடியில் கம்பன் கழக எழுபத்தியிரண்டாம் ஆண்டு விழா

2011-03-08T07:55:00.000-08:00

காரைக்குடியில் கம்பன் கழக எழுபத்தியிரண்டாம் ஆண்டு விழா (2011) வ்ரும் மார்ச் 17ஆம் தேதி முதல் மூன்று நாட்கள் நடைபெற உள்ளது. அதுபற்றிய விபரங்கள் படத்தைச் சொடுக்கினால் விரியும்

தேரெழுந்தூர் கம்பன் விழா(மார்ச் ௧௨-௧௩ ) 2011 அழைப்பிதழ்

2011-03-02T20:00:00.000-08:00

கம்பன் பிறந்த மண்ணான தேரெழுந்தூரில் கம்பர் கோட்டத்தில் மார்ச் 12 -13 ஆகிய நாள்களில் கம்பன் விழா நடை பெற உள்ளது. அனைவரும் வருகை தர வேண்டுகிறோம்.

12 ஆம் தேதி நிகழ்வுகள்

மாலை ஆறு மணிக்குத் தொடங்கவுள்ள இந்த விழாவில் அண்ணாமலைப் பல்கலைக்கழகத்தின் தமிழியில் துறைத் தலைவர், மற்றும் மொழிப் புல முதன்மையர் பொறுப்புகளை வகித்து வரும் திரு. பழ. முத்துவீரப்பன் அவர்கள் தலைமை ஏற்க உள்ளார்கள். திருமிகு த. அகர முதல்வன் அவர்கள் தொடக்க உரையாற்ற உள்ளார்கள். கம்பனில் இஸ்லாமியச் சிந்தனைகள் என்ற தலைப்பில் சிறப்புரையை திரு. மு. சாயபஜ மரைக்காயர் அவர்கள் வழங்க உள்ளார்கள்.
வரவேற்புரையை திரு. சீ சௌந்தரராஜன் அவர்கள் வழங்குகிறார். அறிமுகவுரையை கம்பன்அடிசூடி வழங்குகிறார். நன்றியுரைக்க திரு. மு. அ பசீர் அகமது அவர்கள் வருகிறார்கள்.

13 ஆம் தேதி நிகழ்வுகள் மாலை 6 மணி

பட்டி மண்டபம் இன்று நடைபெறுகிறது. திருமதி புனிதா ஏகாம்பரம் அவர்கள் நடுவராக விளங்க உள்ளார். பட்டி மண்டபத்தின் தலைப்பு வஞ்சனையில் விஞ்சியவர் யார் என்பதாகும். இதில் கூனியே என்ற தலைப்பில் திருவாளர்கள் சொ. சேதுபதி, சுமதிஸ்ரீ, மு. பழனியப்பன் ஆகியோரும், சூர்ப்பனகையே என்ற தலைப்பில் திருவாளர்கள் இரா. இராமசாமி, பாரதி பாபு, ம. சிதம்பரம் ஆகியோர் பங்கேற்று விவாதிக்க உள்ளனர்.

விழாவிற்கு அ. முத்துக்குமார் அவர்கள் வரவேற்புரையாற்றவும், திரு. மு. ஜானகிராமன் நன்றிஉரைக்கவும் உள்ளனர்.

கம்பன் சீர் பரவும் அனைவரும் வருகை தந்துச் சிறப்பிக்க வேண்டுகிறோம்.

தொடர்பி்ற்கு

04364-237573

காரைக்குடி
9445022137

தேரெழுந்தூருக்கு மயிலாடுதுறையில் இருந்துப் பேருந்துகள்செல்லுகின்றன.
கம்பன் பிறந்த இடத்தில் கம்பனைக் கேட்க வாருங்கள்.

காரைக்குடி கம்பன் விழா 2011

2011-02-25T18:34:00.000-08:00

கம்பன் புகழையும் கன்னித் தமிழின் புகழையும் ஆண்டாண்டு தோறும் பரப்பி வரும் காரைக்குடி கம்பன் கழகத்தின் இவ்வாண்டு நிகழ்வுகள் மார்ச் மாதம் 17 ஆம் தேதி முதல் 19 ஆம் தேதி வரை காரைக்குடி கம்பன் மணி மண்டபத்திலும், 20 ஆம் தேதி நாட்டரசன் கோட்டையிலும் நடைபெற உள்ளன. தமிழன்பர்கள் அனைவரும் வருகை தந்துச் சிறப்பிக்க அன்புடன் அழைக்கிறோம்.

தேரெழுந்தூர் கம்பன் விழா நிகழ்வுகள்

2011-02-25T03:30:00.000-08:00

இவ்வாண்டும் தேரெழுந்தூர் கம்பன் விழா மார்ச் மாதம் 12, 13 ஆம் நாட்களில் நிகழ உள்ளது. முதல் நாள் பேரவை நிகழ்வும், மறுநாள் பட்டி மண்டபமும் நடைபெற உள்ளன.

கண்ணகிக் கோட்டத்தில் உள்ள கண்ணகி

2010-06-03T21:26:00.000-07:00

கண்ணகிக் கோட்டத்தில் உள்ள கண்ணகி
அருள் வடிவும்- அன்பும் கலந்து குடும்பப் பாங்காக விளங்கும் பெண் சித்திர வடிவு

கண்ணகிக் கோட்டம்

2010-06-03T21:15:00.001-07:00

கம்பன் அடிப்பொடி அவர்கள் பூம்புகார் அருகில் உள்ள மேலையூரில் அழகான கண்ணகிக் கோட்டத்தை அவ்வூர் அன்பர்களின் முயற்சி- பொருள்செலவோடு செய்துள்ளார். அக்கோயிலி்னைத் தரிசிக்கும் வாய்ப்பு கிடைத்தது, திரு இராசசேகரன் அவர்கள் மாணவர்களுக்காக பண்பாட்டு பக்திப் பயிலரங்கினை கடந்த வாரத்தில் மேலையூர் பள்ளியில் நடத்தினார், அதற்குச் சென்ற நான் அந்தக்கோயிலின் அழகினைக் கண்டு ரசித்தேன், உள்ளே உள்ள கண்ணகி சிலையின் வடிவம் காணக் கண்கோடி வேண்டும்,

காரைக்குடி கம்பன் கழக எழுபத்தியிரண்டாம் ஆண்டுவிழா

2010-03-22T07:26:00.000-07:00

கம்பன் புகழ்பாடிக் கன்னித் தமிழ் வளர்க்கும் காரைக்குடி கம்பன் கழகத்தின் எழுபத்தியிரண்டாம் ஆண்டுவிழா வரும் மார்ச் மாதம் 27 ஆம் தேதி முதல் மார்ச் மாதம் 30 ஆம் தேதி வரை நடைபெற உள்ளது. அன்பர்கள் அனைவரையும் வரவேற்கிறோம். கம்பன் மணிமண்டபம் நோக்கி அன்பர்கள் அனைவரையும் அழைக்கிறோம்.
நேரம் மாலை 5.30 மணி அளவில்

27.3.2010
முதல்நாள் நிகழ்வில் கவிக்கோ அப்துல் ரகுமான் தலைமை ஏற்கிறார். தினமணி நாளிதழின் ஆசிரியர் கே. வைத்தியநாதன் அவர்கள் தொடக்கவுரை ஆற்றுகிறார். பழ. பழனியப்பன் நிறுவியுள்ள மீனாட்சி பழனியப்பா அறக்கட்டளை ஆய்வுச் சொற்பொழிவினை முனைவர் பழ. முத்தப்பன் கம்பனில் நான் மறை என்ற தலைப்பில் நிகழ்த்துகிறார். இதே தலைப்பிலான நூல் அன்றே வெளியிடப் படுகிறது. இதனை உமா பதிப்பகம் செளியிடுகிறார்கள்

மேலும் இந்நிகழ்வில் முனைவர் சொ. சேதுபதி எழுதிய வரலாறு நடந்த வழியில் என்ற நூலும் வெளியிடப்படுகிறது. மேலும் போட்டிகளில் வென்ற மாணவர்களுக்குப் பரிசுகள் வழங்கப்படுகின்றன.

மேலும் பள்ளத்தூர் பழனியப்பன் அவர்கள் எழுதிய யுத்த காண்ட கம்பராமாயண உரை நூல்களும் வெளிவருகின்றன.

இத்தோடு அன்று மதுரைக் கம்பன் கழகத் துணைத்தலைவர் திரு சங்கர சீத்தாராமன் அவர்களும் பங்கேற்கிறார்கள். இவர்களுடன் புதுச்சேரி கம்பன்கழகத் துணைத்தலைவர் வி.பி. சிவக் கொழுந்து அவர்களும் பங்கேற்கிறார்கள்.

28.03.2010

இன்று திரு சோ. சத்தியசீலன் அவர்கள் தலைமையேற்கிறார்கள். தி. அருணாசலம் அவர்கள் எழுதிய உவமை சொல்வதில் உவமையில்லாக்கம்பன் என்ற நூலும், அ. அறிவு நம்பி எழுதிய செம்மொழி இலக்கியச் சிந்தனைகள் என்ற நூலும் வெளியிடப்படவுள்ளது.

இதில் திரு. தெ. ஞானசுந்தரம் அவர்கள் தீதும் நன்றும் என்ற தலைப்பில் உரையாற்றுகிறார்கள்.

மேலும் கவிச்சக்கரவர்த்தி கம்பன் வாழ்க்கை வரலாறு என்ற குறும்படம் திரையிடப்படவுள்ளது.

மேலும் இரவு மணி ஒன்பதிற்கு இராம நாடகம் என்ற தலைப்பில் திருமதி கௌசல்யா சிவக்குமாரின் இசைப் பேருரை நடைபெற உள்ளது.

29.03.2010

இன்று இளம்பிறை மணிமாறன் அவர்கள் தலைமையில் பட்டி மண்டபம் நடைபெற உள்ளது. மகளிர் பட்டி மண்டபம். தலைப்பு தரும நெறிநின்ற தம்பியரில் தலை நின்றவர் யார்? என்ற தலைப்பில் கும்பன் என்ற அணியில் ருக்மணி பன்னீர் செல்வம் அவர்களும் சித்ரா சுப்ரமணியம் அவர்களும், வீடணனே என்ற தலைப்பில் விசாலாட்சி சுப்பிரமணியம் அவர்களும் கவிதா ஜவகர் அவர்களும் பங்கேற்கிறார்கள்.

30.03.2010
இன்று நாட்டரசன் கோட்டையில் விழாநடை பெறுகிறது. இந்த விழாவில் அ. அறிவொளி அவர்கள் தலைமை ஏற்கிறார். இதில் கோ. சாரங்கபாணி, கண. சுந்தர் ஆகியோர் பேசுகின்றனர்.

இவ்வகையில் நடைபெறும் இனிய விழாவிற்கு அனைவரும் வருக.

கம்பன் கல்வியில் பெரியன்

2009-07-06T18:00:00.000-07:00

கம்பன் அடிப்பொடி அவர்களின் ஒன்பது கட்டுரைகளுடனும்- பல அறிஞர்களின் கட்டுரைகளுடனும் வெளிவந்துள்ள நூல் கம்பன் கல்வியில் பெரியன் , இதனைத் தொகுத்தவர் கம்பன் அடிசூடி பழ, பழனியப்பன் அவர்கள், இதனை வெளியிட்டவர்கள் மணிமேகலை பிரசுரத்தார், இந்நூல் இவ்வாண்டு கம்பன் திருநாள் விழாவிற்கு வந்த அனைவருக்குப் பரிசிலாக வழங்கப் பெற்றது

கம்பன் அடிப்பொடி கலைக்களஞ்சியம்

2009-07-04T08:32:00.000-07:00

கம்பன் அடிப்பொடி அவர்களின் வெளிவராத பல கட்டுரைகளின் தொகுப்பாகவும், பல அறிஞர்கள் கம்பனடிப்பொடி அவர்களைப் பற்றி எழுதிய உரைகளின் தொகுப்பாகவும் அமைந்து விளங்குகிறது இக்கலைக்களஞ்சியம்.

கல்வண்ணம், கலை வண்ணம், கவி வண்ணம், தமிழ் வண்ணம், கம்பன் தமிழ் வண்ணம், வரலாற்று வண்ணம், பணிவண்ணம், தனிவண்ணம், தொட்ட துறை வண்ணம், கம்பன் பணி வண்ணம் எனப்பல வண்ணங்களில் கம்பனடிப் பொடியை இந்நூலுள் காணமுடிகிறது.

சென்னை, பவளக்காரத்தெரு, உமா பதிப்பகம் மிகச் சிறந்த கட்டமைப்புடன் இந்நூலை உருவாக்கியுள்ளது. இதன்விலை 150/ ருபாய்

கம்பனடிப்பொடி சா. கணேசன் கவிதை வரலாறு,

2009-07-04T08:20:00.000-07:00

கம்பனடிப்பொடி சா. கணேசன் கவிதை வரலாறு, சித. சிதம்பரம், (சிவா பதிப்பகம், 140 பெரியார் பாதை, சூளைமேடு, சென்னை, 94. 2009, விலை. 50.00)

கம்பனடிப்பொடியின் நூற்றாண்டு விழாவை ஒட்டி வெளியிடப் பெற்ற கவிதைக் காப்பியம் இந்நூல். தரவுகளைத் தேடி அலைந்துத் தொகுத்து அதன் வேகம் மாறாமல், சுவை குன்றாமல் கவிதை ஆக்கியமைக்காக வெகுவாக இக்கவிஞரைப் பாராட்ட வேண்டும். அடிப்பொடியுடன் வாழ்ந்த, ஏறக்குறைய இருபது அன்பர்களைச் சந்தித்து அவர்கள் வழியாகவும், தானகவும் அறிந்து பெற்றச் செய்திகளை கவிதை வயமாக்கியிருக்கும் கவிஞரின் உழைப்பிற்குத் தக்கப் பரிசுகள் கிடைக்க வேண்டும்.

எண்பத்தெட்டுப் பக்கங்களில் நிகழ்விற்கு ஏற்ற பல்வகைக் கவிவடிவத்துடன் செறித்துச் செய்யப் பெற்றிருக்கிற உணர்வுக் காவியம்/ காப்பியம் இக்கவிதை நூல்.

தன்னிகரில்லாத் தலைவன், இருசுடர் தோற்றம், உலா, விழா எனப்பல காப்பியப் பாவியத் தகுதிகளுடன் இக்கவிதைக் காப்பியம் இலங்குகின்றது. அதனால் இதனைக் காப்பியம் என்றே தமிழுலகம் ஏற்க வேண்டும்.

இந்நூலுள் சிறுச் சிறு செய்திகளுக்குக் கூட அழுத்தம் தரப் பெற்றிருப்பது காப்பியத்தில் இடையே வரும் கிளைக்கதைகள் போன்று சுவை பயப்பதாக உள்ளன. காமராசரை முன்னறிவிப்பு இன்றிச் சந்திக்கப் போன கணேசனார் அனுபவத்தைப் பின்வரும் அடிகள் காட்டுகின்றன.

"திருமலைப் பிள்ளை வீதியில் வாழ்ந்த காமராசர் வீட்டுக்கு
ஒருமுறை முன்னர் அறிவிப்பின்றி சா. க. சென்றார் காணற்கு
வருவதை அறிந்த காமராசர் வழித்த பாதி முகத்தோடு
வரவேற்றாராம் கணேச அண்ணலை மரியாதை அன்புமனத்தோடு''
(ப. 58)

இரு சான்றோரிடத்திலும் சமமான அணுகுதலோடு இக்கவிதை அடிகளைக் கவிஞர் செய்திருக்கிறார்.

"காந்திச் சதுக்கத் துப்பாக்கிச் சூட்டில் பலியானார் தொழிலாளி நெல்லியான் ( ப. 31)'' என்று காரைக்குடியின் விடுதலை வரலாற்றிற்கும் சிம்மாசனம் இட்டுச் சிறுசெய்திகளுக்குத் தக்க இடம் கொடுக்கிறது இக்காப்பியம்.

இக்காப்பித்தில் சா. கணேசனாரின் தலைமறைவு, சிறைவாழ்வு மிக்க நேர்த்தியாக வடிவமைக்கப் பெற்றிருக்கிறது. மையப்பகுதியில் வரும் இப்பகுதி காப்பியத்தின் அழுத்தமிக்கப் பகுதியாகும்.

அட்டுழியங்களின் பட்டியல்கள்/ ஆணவத்தின் உத்தரவுகள்/ சா. கவின் தாயாரும்/ மனைவியும் மக்களும்/ தனித்திருந்த வீட்டில் / மலபார் போலிசார் வழியை / மறித்து நின்றனர்/ சிலுவையைச் சுமந்த மகன்/ சிறுசைச் சுமந்த மருமகள்/ வறுமை அறியாத வாழ்க்கை/ வாரிக் கொடுத்தச் செங்கை/ நாட்டிற்குத்/ தன்மகளை ஈன்ற தாய்/ வீட்டிற்குள் அடைக்கப்பட்ட வேதனை/ புன்னகை தொலைத்த போராளியின் மனைவி/ சின்னஞ்சிறிய செல்லமகள்/ தன்னை அடக்கித் தவமிருந்த தோற்றம்/ தியாகியைத் தெரிகிறது/ தியாகத்தைத் தெரிகிறது/ பின்புலம் என்றேனும் பேசப்படுகிறதா?( ப. 35)

வருத்தக் கோர்வைகளின் பட்டியலாய் கவிதை புதுக்கவிதை வடிவமெடுத்து ஓடுகின்றது. மனதில் வேதனை மறையாமல் நிற்கிறது.

தமிழ்த்தாய்க்குக் கோயில் வடித்து நிற்கும் கணேச அண்ணலின் பக்கத்தில் நின்று அங்குள்ள தமிழ்த்தாய்க்கு வணக்கம் பல சொல்லிக் கவிஞர் தன் தமிழ்த் தாகத்தினைத் தீர்த்துக்கொள்ளுகிறார். தமிழ்த் தாய்க்காகப் பாடப்பட்ட பதிமுன்று விருத்தங்களும் தமிழுக்குக் கிடைத்த விருந்துகள். ஒன்று மட்டும் பின்வருமாறு.

மொழிப்புலத்தின் ஒருமையிலே தொழுது போற்ற
முகம்மதியர் கிறித்தவர்கள், சமணர், இந்து
எழிலான மதம்கடந்த தேவி ஆனாய்!
எந்தமிழர் காரைநகர்க் கணேச மண்ணில்
அழியாத அறுகோணக் கோபுரத்தில்
அய்யன் வள்ளுவன் இளங்கோ கம்பனோடு
மொழியரசி நடுவிருக்க பரிவாரத்தில்
முன்னிருந்து வாழ்த்துகிறாய் முவாத்தாயே! (ப. 76)

கம்பன் திருநாளின் பெருமை கூறும் பெரும் பகுதி இத்தனை நாள் கம்பன் திருநாள்களின் அழியாப் பட்டியல். படிக்கப் படிக்க மேடைகள் நினைவிற்கு வருகின்றன. பேச்சாளர்கள் பேசும் மனக்காட்சி விரிகின்றது. இப்பகுதிகளில் கவிஞர் நேரடி சாட்சியாக கம்பன் திருநாளுக்கு அமைந்துள்ளார்.

தற்காலத் தடுமாற்றங்களும் ஆங்காங்கே சுட்டிக்காட்டப்படும் கவிஞரின் கருத்து நேர்மை சுட்டிக்காட்டத்தக்கதாகும். கணேசனார் தேர்தல் களம் கண்டபோது சில பின்னடைவுகளைச் செய்யச் சிலர் எண்ணினர். அதுகுறித்தக் கவிதைக் கண்டனம் பின்வருமாறு.

திசையெங்கும் பணம் கொடுத்து வாக்கு வாங்கும்
பணநெறியை இந்தியா கண்டதன்று!
பலமடங்கு கூடியது காணும் இன்று! (ப. 47)

இப்படி இனிய எளிய, தேவையான கவிதைச் செழுமையாய் இக்காப்பியம் அடிப்பொடியின் பெருமைக்கு அணி சேர்க்கின்றது. கவிஞரின் கவி உள்ளம் நம்மைப்போன்று படித்தவர்களால் பெரிதும் பேசப்பட வேண்டும். பேசப்படும்.

கம்பனையே குருவாகக் கொண்டு

2009-04-09T09:02:00.000-07:00

கிருங்கை சேதுபதி
கம்பனையே குருவாகக் கொண்டுகம்பன் வாழ்க!கம்பன் புகழ் வாழ்க!கன்னித் தமிழ் வாழ்க!என்ற முழக்கத்துடன் உலகெங்கும் கம்பனின் மெய்யுருவை உணர்த்தக் கம்பன் திருநாளைக் காரைக்குடியில் தொடங் கியவர் கம்பன் அடிப்பொடி. அப்பணி இன்றளவும் இனியும் தொடரக் காரணமாகி, அதற்குரிய அனைத்துத் திட்டங்களையும் வடிவமைத்து வழங்கியிருக்கின்றார்.06-06-1908 அன்று காரைக்குடி சாமிநாதன், நாச் சம்மை தம்பதியர்க்கு மகவாகத் தோன்றிய இவர், சிறந்த காந்தியவாதி. சமூகச்சீர்திருத்தவாதி. 1933ஆம் ஆண்டு ரங்கூனில் இருந்து வெளிவந்த ‘தனவணிகன்’ என்னும் இதழில், “இளைஞர்களும் சீர்திருத்தமும்” என்ற தலைப்பில் திரு.வி.க நடைமரபில் கட்டுரையொன்றை (கம்பன் அடிப்பொடி) கணேசன் எழுதி வெளியிட்ட போது, அவருக்கு வயது 25. பர்மாவில் , ரங் கூனில் வசித் துவந்த காலத்தில் அங்கு நண்பர்களுடன் சேர்ந்து, ‘தன வைசிய இளைஞர் தமிழ்ச்சங்கம்’ என்ற அமைப்பைத் தொடங்கி, ஞாயிறுதோறும் சொற்பொழிவுகள் நடத்தியும் வந்திருக்கின்றார் கம்பன் அடிப் பொடி.வடமொழி மற்றும் ஆங்கில மொழிகளில் புல மையுடைய கம்பன் அடிப்பொடி, முறையாய்க் கல்லூ ரியிலோ, பல்கலைக் கழகங்களிலோ சென்று கற்றவர் அல்லர். கம் பனையே தம் குருவாகக் கொண்டு கல்வியில் பெரியரானவர். சிற்ப சாத்திரம், தாவரவியல், அறிவியல், அரசியல், புவி யியல், வரலாற்றியல், பொருளியல், சமையற் கலை உள்ளிட்ட கலை களிலும் தேர்ந்த புலமை யுடைய கம்பன் அடிப் பொடி, நல்ல எழுத் தாளர், கவிஞர். உறவுகள் பேணு வதில் ஒப்பற்ற பண்பா ளர்.விருந்தோம்பல் பண் பில் சங்கத் தமிழ் மரபி னைச் சமகாலத்தில் நிறு வியவர்.ஒருமுறை, பம்பாயி லிருந்து, நாமக்கல் கவிஞ ருடன், கம்பன் அடிப் பொடியும், அவரது உற வினர் ஆத்தங்குடி பெ.மு. சுப்பையாவும் சென்னைக்கு ரயி லில் வந்து கொண்டிருந்த போது, உரத்தக் குரலில் பேசிக் கொண்டிருந்தனர். அது பொறாத ஆங்கிலேயர் ஒருவர் இந்திய, ஆங்கில ஏற்றத் தாழ்வுணர்ச்சியுடன் கண்டிக்கத் தொடங்கினார். அவரிடம் கம்பன் அடிப்பொடி, தம் சகோதரரின் காதுமந்தச் செய்தியைக் குறிப்பிட்டுச் சொல்லி விளக்கினார். எனினும் கேளாது கண்டிக்கத் தொடங்கினார் அவ்ஆங்கிலேயர். உடனே அவரை எதிர்த்து வந்தே மாத ரம் என்று கோஷமிட ஆரம்பித்து விட்டனர் மூவரும். அதனைக்கேட்ட ரயில் பயணிகள் அனைவரும் அவ் வாறே பதிலுக்கு முழக்கமிட அடுத்த நிறுத்தத்தில் அவ் ஆங்கிலேயர், பயணத்திற்கு இடைஞ் சல் செய்கிறார் என்று கூறி இறக்கிவிட்டிருக்கின்றார்கள் எனில், அவ ரது துணிச்சல் எத்தகையது என்பது புரி படும். அதனால் தான், தடையை மீறிக் கூட்டத்திற்குச் சென்ற அவரைச் சுட்டுவிடுவேன் என்று மிரட்டிய ஆங்கிலேயரிடம் தமது சட்டையைக் கிழித்துக் காட்டிச் `சுடுங்கள்’ என்று சொன்னதோடு, அன்றி லிருந்து சட்டையணியாதவராகத் தம்மை மாற்றிக் கொண்டுவிட்டார்.எழுத்து, பேச்சோடு மட்டும் நில்லாது, செயலிலும் வல்லவரான கம்பன்அடிப்பொடி, எந்த நிலையிலும் தன் னலத்தையோ, தம்புகழையோ விரும்பாதவர். தேசம் விடு தலை பெற்ற பின்னர் வழங்கிய நிலத்தையோ, தியாகி களுக்கான பரிசு, பாராட்டு மற்றும் பண உதவியையோ வேண்டாம் என்று மறுத்த அவர், தம் மணிவிழாவைக் கொண்டாடவும் மறுத்தவர். அதனால்தானோ என்ன வோ, அவர்தம் நூற்றாண்டு விழாவும் உரிய ஆண்டில் கொண் டாடப்பெறாது, அடுத்த ஆண்டில் நடக்கின் றது. அதுவும் அவர் உருவாக்கிய கம் பன் கழகத்தின் 71ம் ஆண்டு கம்பன் திருநாள் விழாவில் நிழற்படக் கண் காட்சியாக, அவர்தம் அருமை மாணாக்கர் கணபதிஸ் தபதி அவர்கள் வடித்திருக்கும் கவினார் சிலைத் திறப்பு விழாவாக, காரைக்குடி கம்பன் கழகத்திற்கு இணைச் செயலராக அவர் கண்டு தந்த கம்பன் அடிசூடி (பழ. பழனியப்பன்) தொகுத்தளிக்கும் கம்பன் அடிப்பொடிக் கலைக் களஞ்சியம், அஞ்சல் தலை, அருந்தமிழ்நூல்கள் ஆகியன வெளியீடு செய்யும் விழாவாக 5-4-09அன்று கொண்டாடப்பட்டது.-கட்டுரையாளர் : புதுச்சேரி பாரதிதாசன் அரசினர் மகளிர் கல்லூரியின் தமிழ் விரிவுரையாளர்.

நன்றி தீக்கதிர்

http://www.theekkathir.in/index.asp

க ன் னி த் த மி ழ் வ ள ர் த் த க ம் ப ன் அ டி ப் பொடி /சொ.சேதுபதி./நன்றி தினமணி(05,04,09)

2009-04-04T18:56:00.000-07:00

ராமாயணத் தி ல் சீ தைக்கு அக் னி ப் பி ரவேசம் நி கழ்ந்தது போல், அக்காலத் தி ல் கம்பனுக்கும் த மி ழகத் தி ல் சி தை மூட்டப்பட்டது. இன்னொரு கோணத் தி ல் கம்ப னை க் காட் டி எல்லாரது கவன த்தை யும் அவன்பால் இழுத்து, " தீ பரவட் டும்' என்று எழுந்த குரலுக்கு மாற்றாகவோ, மறுப்பாகவோ அன் றி க் கம் ப னி ன் மெய்த் தன்மையை ( சுயத்தை) யும், அவன து பேருரு ( வி ஸ்வரூபத்தை) வையும் உல கி ற்கு எடுத்துரைக்கத் த மி ழுலகம் கண்டு தந்த அ ரி ய மாணிக்கம்தான் கம்பன் அ டி ப்பொ டி என்னும் சா. கணே சன். அவர் கம்பநேயர் மட்டுமல்லர்; காந் தி ய நெ றி நி ன்று தேசத்துக்கு உழைத்த உத்தமரும் ஆவார். கம்பன் கழகம் என்னும் பே ரி யக்கம் தோற்று வி த்த பி தாமகன்.
எ தி ர் நி லை யி ல் நி ன்று கம்பனை வி மர் சி த்தவர்களும், கம்பனை உள் ள ப டி உணர்ந்து உலக றி ய உரைக்கத் தம் மேடை யி னை த் தந்து தாங் கி நி ன்ற வர் அவர். அந்தவகை யி ல் த மி ழ்கூறுநல்லுல கி ல் முழங் கி ய, முழங்கு கி ன்ற பேச்சாள ர்கள் மி கப்ப லரும், கம்பன டி ப்பொ டி யால் உல கி ற்குக் கண்டுதரப் பெற்ற வர்கள்.
தோழர் ஜீவா, தொ. மு. பாஸ்கரத் தொண்டைமான், நீ தி யரசர்கள் மக ராசன், மு. மு. இஸ்மாயீல் மற்றும் பேரா சி ரி யர்கள் ஏ. சி . பால்நாடார், எஸ். ராம கி ருஷ்ணன், அ. ச. ஞான சம்பந்தன், எழுத்தாள ர்கள ôன கி . வா.ஜ., அ. சீ நி வாசராகவன், கம்ப ராசன், கண்ணதாசன் ஆ கி யோர் அவர்களுள் சி லர்.
கம்பன் பி ற ந்தநாள் இன்ன தென அ றி யாத நி லை யி ல், அவன் தமது கா வி யத்தை அரங்கேற்ற ம் செய்த, கி . பி . 886 பி ப்ரவ ரி 23 அன்றை ய தி ன த்தையே கம்பன் பி ற ந்த தி ன மா கக்கொண்டு, தாம் பி ற ந்த காரைக் கு டி நக ரி ல், கம்பன் கழகத்தை இ னி து தொடங் கி னார், கம்பன் அ டி ப்பொ டி . 1939 ஏப்ரல் 2, 3 ( வெகுதா னி ய வருடம் பங்கு னி 20, 21) ஆ கி ய நாள்க ளி ல் டி . கே. சி . யி ன் தலைமை யி ல் கம்பன் தி ருநாள் மி க எழுச் சி யோடு கொண்டாடப்பட் டது. கம்பன் பள் ளி ப்படைக்கோ யி ல் ( சமா தி ) உள்ள நாட்டரசன் கோட்டை யி ல் நி றை வுறும் அவ் வி ழா. இவ்வாறு அன்று தொடங் கி ய அப்பெரு வி ழா, இன்று த மி ழ கம் மற்றும் உலக நாடுக ளி ல் கம்பன் கழகங்கள் தோன்ற க் காரணமா ன து. ம ணி மேகலை காலத் தி ல் நி கழ்ந்த பட் டி மண்டபத்தைப் பாங்கறி ந்து பு துப் பி த்து, உலகெங்கும் கடைப் பி டி க்கக் காரணமான தும், இக்கம்பன் கழகமே. 71- ஆம் ஆண் டி ல் அ டி யெ டுத்து வைக்கும் இத்தாய்க்கழகம், இன்றை க்கும் பு தி தாய்ப் பி ற க்கும் எந்தவொரு கழகத் தி ற்கும் தம் சீ ராட் டைத் தந்து பு ரக்கும் தாயன் பு மி க்க தாகத் தி கழ் கி ன்ற து. கம்பன் அருட்கோ வி ல் உள்ள நாட்டரசன்கோட்டையை உலக றி யச் செய்து ஆண்டுதோறும் ஆங்கு அ றி ஞர்களை ஒருங்கு தி ரட் டி க் கம் பனை ப் போற் றி ம கி ழ் கி ன்ற து. 6- 6- 1908 அன்று காரைக்கு டி சா மி நாதன், நாச்சம்மை தம்ப தி யர்க்கு மகவாகத் தோன் றி ய கணேசன், காரைக்கு டி ரெங்க வாத் தி யார் பள் ளி யி ல் தொடக்கக் கல் வி ப யி ன்ற வர்.
த மி ழ் இலக் கி யங்கள், இலக்கணங்க ளை ப் பண் டி த வி த்து வான் சி தம்பர ஐய ரி டமும், பர்மா தோங்குவா பண் டி த சேதுப் பி ள்ளை யி டமும் ப யி ன்ற வர். காந் தி ய டி க ளி ன் காரைக்கு டி வருகை யி ன் போது, அவருக்குப் ப ணி வி டை செய்யும் தொண்டர் படைத்தலை மையேற்று 1927- இல் காங் கி ரஸ் தொண்டரான வர்.
1936 முதல் தீ வி ர தே சி யப் போராட்டத் தி ல் பங்கேற்று வந்த கணேசன், 1941- இல் காந் தி ய டி கள் தொடங் கி ய த னி நபர் சத் தி யாக் கி ர கத் தி ல் ஈடுபட்டுப் பாதயாத் தி ரை யாக தி ல்லி க்குப் பயணமா கி 66 நாள்க ளி ல் 586 மைல்களை க் கடந்த தும் உத்தரப் பி ரதேச அலி பு ரத் தி ல் சி றை வாசம் அனுப வி த்தவர்.
காந் தி ய டி களை ப் போன்று, நான் குமுழக் கதர் வேட் டி யையும், மேலு டையாய் ஒரு துண்டையுமே அ ணி ந் துவந்தவர் கணேசன். 1942- இல் " வெள்ளை யனே வெ ளி யேறு' போராட்டத் தி ன்போது, இவரை எங்கு கண்டாலும் சுட உத்தரவு பி ற ப் பி க்கப்பட்டது. இவர்தம் சொத் துகள் அனை த்தையும் ஜ ப் தி செய்ய ஆங் கி ல அரசு உத்தர வி ட்டது. அப் பு ற மும், வேகந்த ணி யாத ஆங் கி ல அரசு, 1942 ஆகஸ்ட் போராட் டத் தி ன்போது, அவரது வீட்டைச் சூறை யா டி யது. கணேசன், ஊர் ஊராக மாறுவேடங்க ளி ல் சென்று மக்களை வி டுதலை வேள் வி யி ல் ஊக்கப்படுத் தி யதுகண்டு பொற ôத ஆங் கி ல அரசு, அவர்தம் நண்பர்களுக்கு எண் ணி லா இன்ன ல்கள் கொடுத் தது. அதன ôல் வேதனை யுற்ற கணே சன், தமது வ ழி காட் டி யான ராஜ ô ஜி யி ன் ஆலோசனை ப்ப டி , சென்னை போலீஸ் ஆணைய ரி டம் சரண டைந்தார். 18 மாத காலம் மீண்டும் அலி பூர் சி றை வாசம் ஏற்றார்.
அலி பூர் சி றை வாசத் தி ன்போது, உட னி ருந்த மற்ற வர்களுக்குக் கம்ப ராமாயணம் உள் ளி ட்ட இலக் கி யப் பாடங்களை நடத் தி , சி றை க்கோட் டத்தை இலக் கி யக் கோட்டமாக மாற் றி ன ôர். அதுசமயம் அவர்தம் உரை யி னை செ வி மடுத்த பெரு மைக்கு ரி யவர், கல் கி இத ழி ன் அ தி ப ரும், எம். எஸ். சுப் பு லட்சு மி யி ன் கணவருமான சதா சி வம் ஆவார்.
அவர் பி ன்னாளி ல் இந் நி கழ்வை நி னை வுகூர்ந்தார்.
நாடு வி டுதலை பெற்ற பி ற கு, தி யா கி களுக்காக வழங்கப் பெறும் நி லம், ஓய்வூ தி யம் எதனை யும் பெற மறுத் தார் கணேசன். அவ்வாறு பெற்ற ôல் அது தொண் டி ற்குப் பெறும் கூலி யா கி வி டும் என்பது அவரது கருத்து. 1968- இல் தமது ம ணி வி ழாவைக் கொண்டாட வி ரும்பாத அவர், அவ் வி ழா வி ற்கென த் தம் அன்பர்கள் அ ளி த்த ஒரு லட்ச ரூபாய் நி தி யைக் கொண்டு, காரைக்கு டி யி ல் கம்பன் ம ணி மண்டபத்தைக் கட்டத்தொ டங் கி , 1972 முதல் அங்கேயே கம் பன் வி ழா நடத்தப்பட்டு வரு கி ற து. உல கி லேயே, வேறு எம்மொ ழி க் கும் இல்லாத வகை யி ல், த மி ழ்மொ ழி க்காக, த மி ழ்த்தாய் உருச்சமைத்து, அழ கி ய கோ யி ல் ஒன்றை எழுப் பி ய வர் கம்பன டி ப்பொ டி யாவார். 1975- இல் அதற்குக் கால்கோள் செய்தவர் த மி ழக முதல்வர் கருணா நி தி . கம்பனை க் கற்ற தன் காரணமாகத் தம்மையும் அவ்வ ழி யி ல் கல் வி யி ல், கலைக ளி ல் பெ ரி யவராக வள ர்த்துக் கொண்டவர் கணேசன். த மி ழோடு, வடமொ ழி , ஆங் கி ல மொ ழி க ளி ல் பு லமைகொண்ட இவர், சி ற ந்த சி ற் பக் கலை வல்லுநர்; கல்வெட்டாய் வாள ர்; மரபார்ந்த த மி ழகத் தொன் மங்கள் அ றி ந்த நி றை குடம்; சி ற ந்த எழுத்தாள ர். அக்காலத் தி ல் கலைம கள் இத ழி ல், கல்சொல்லும் கதை எனும் தலைப் பி ல் இவர் எழு தி ய கல் வெட்டு, வரலாற்று ஆய் வி யல் கதை கள் சி த் தி ரநேர்த் தி கொண்டவை. கம்பன் கு றி த்த கட்டுரைகள் இவர் தம் நுண்மாண்நுழை பு லம் உணர்த் தும் பெருமைக்கு ரி யவை. பி ள்ளை யார்பட் டி த் தலவரலாறு, இராஜ ரா ஜ ன், த மி ழ்த் தி ருமணம் ஆ கி ய நூல் களோடு, நர்ம்ங் ஐஸ்ரீர்ய்ர்ஞ்ழ்ஹல்ட்ண்ஸ்ரீ இர்ய்ஸ்ரீங்ல்ற்ள் என்ற ஆங் கி ல நூல் ஆ கி யன இவர்தம் நூல்கள ôகும்.
1968- இல் சென்னை யி ல் நடந்த இரண்டாம் உலகத் த மி ழ் மாநாட் டி ன் கலைக்காட் சி க் குழு வி ற்கு அண்ணா வி ன் வேண்டுதலால் தலை மையேற்ற கணேசன், கண்டோர் வி யக்கும் வண்ணம் அழகுறு கலைக் காட் சி யை நி கழ்த் தி , அதற்கென க் கையேடு என்ற கருவூலத்தையும் ப தி ப் பி த்து வெ ளி யி ட் டி ருக் கி ன் ற ôர்.
இன்றை க்கு அனை வரும் கண்டு கற்கும் வண்ணம் செம்மையான கம் பராமாயண நூல் உருவாக்கத் தி ற்கு அவர் ஆற் றி ய ப ணி மகத்தான து. த மி ழ றி ஞர்களை துணைகொண்டு, கம்ப னி ன் மூலபாடத்தைத் தெ ரி வு செய்ய எண்ணற்ற ஏட்டுச் சுவ டி கள், பழைய ப தி ப் பு கள் அனை த்தையும் ஆய்ந்து தெ ளி ந்து தேர்ந்து, அனை வர்க்கும் பு ரி யும் வண்ணம் சந் தி பி ரி த்து ஆறு காண்டங்களை யும் 9 சி றுதொகு தி கள ôய், ஓ வி யர் கோ பு லு வி ன் கைவண்ணங்களை ச் சேர்த்து மர்ரே நி றுவன த்தாரைக் கொண்டு ப தி ப் பி த்தவர்.
மூத றி ஞர் ராஜா ஜி யி ன் மீது பெரும் ம தி ப் பு க் கொண்ட சா. கணேசன், சுதந் தி ராக் கட் சி ஸ்தாபக உறுப் பி ன ர்க ளி ல் ஒருவர்.
அந்தக் கட் சி யி ன் சார் பி ல் சா. கணே சன், 1962 முதல் 1967 வரை சட்ட மன்ற உறுப் பி ன ராகவும், 1968 முதல் 1974 வரை த மி ழக மேலவை உறுப் பி ன ராகவும் ப ணி யாற் றி யவர்.
எல்லா நி லைக ளி லும் - " உண் ணும் சோறும், பருகும் நீ ரும், தி ன் னும் வெற் றி லையும் எல்லாம் கண் ணனே' என்று கண்டு போற் றி ய ஆழ்வார் மர பி ல் அனை த்து நி லைக ளி லும் கம்பனை யே போற் றி , கம்ப ன டி க்கே தம்மைத் தந்து கம்பன டி ப் பொ டி யாக நி லைபெற் றி லங் கி ன ôர்.
கணேச னி ன் நூற்றாண் டி னை, அவர் உருவாக் கி உயர்த் தி ய கம்பன் கழகம் காரைக்கு டி யி ல் 2009- ஆம் ஆண்டு ஏப்ரல் 5- ஆம் தே தி ( இன்று) ஞா யி ற ன்று நி கழ்த்து கி ன் ற து. அவர்தம் அருமை மாணாக்கர் பத்மபூஷ ண் கணப தி ஸ்தப தி நி று வி ய கம்பன டி ப்பொ டி சி லைத் தி ற ப் பு , அஞ்சல் தலை வெ ளி யி டல், நி ரந்தர நி ழற்படக் கண்காட் சி , கலைக்கள ஞ் சி யம் வெ ளி யி டல் உள் ளி ட்ட நி கழ்வுகளை த் தக்க சான் றோர்களை க் கொண்டு நி கழ்த்து கி ன்ற து. இராமனை ப் பா டி ய தி யாகய்யர் மர பி ல், கம்பன் பாடல்கள் ஐந் தி னை த் தெ ரி வு செய்து, பஞ்சரத்ன கீ ர்த்தனை போல், அருட்க வி ஐந்து என ப் பாடச்செய்த கம்பன டி ப் பொ டி , 28- 7- 1982 அன்று கம்பன டி எய் தி யபோ தி லும், கம்பன் பு கழ்பா டும் எல்லா இடங்க ளி லும் நீ க்கமற நி றை ந்து இலங்குவார் என்ப தி ல் ஐய மி ல்லை.

http://www.dinamani.com/epaper/newsview.aspx?parentid=10356&boxid=33657281&archive=false

கம்பன் அடிப்பொடி எழுதிய ராஜராஜன் திருமுறை கண்டது என்ற தலைப்பிலான கட்டுரையின் சிறுபகுதி

2009-03-30T17:52:00.001-07:00

அப்பர், சம்பந்தர் , சுந்தரர் ஆகிய முவர் முதலியவர்களால் பாடப் பெற்ற தேவாரத் திருமுறைகள் தில்லையம்பதியில் அடைபட்டுக்கிடந்தவற்றை நம்பியாண்டார் நம்பியார் பேருதவியால் கண்டு வெளிப்படுத்தியவன் நம் இராஜராஜனே. அப்பணியில் பண்சுமந்த பாடல்களும், தமிழும், சிவநெறியும், பக்தித்துறைதயும் பெற்ற பேறு அளப்பரியதாம். கொற்றவன்குடி உமாபதி சிவாச்சாரியார் அருளிய திருமுறை கண்ட புணம் ஓரளவு அப்பெரும் பணியைப் புலப்படுத்திக் கொண்டிருக்கிறது.

அதில் இராஜராஜன் "உலகம் மகிழ்தரு `சையம்'மீது தோன்றி ஓவாது வரு பொன்னி சூழ் சோணாட்டின் திலகம் என விளங்கும் மணி மாட ஆருர்த் தியாகேசர் பதம் பணிநது செங்கோல் ஓச்சி அலகு இல் புகழ்பெறு ராசராச மன்னன் அபயகுல சேகரன்'' என்று அருமையாகக் குறிக்கப்பெறுகிறான். கதை இதுதான் : சிவபெருமான் மீது எல்லையில்லாபக்தி பூண்டொழுகியவன் இராஜராஜன். ஒருநாள் தேவாரப் பாசுரங்களில் சிலவற்றை ஓதக் கேட்டான். செவிக்குத் தேனென இனித்த அப்பாக்கள் அவன் உள்ளத்தில் பாய்ந்து மெய் புளகிக்க, விழிநீர் அருவிபாய, ஒப்பரிய ஓர் உணர்ச்சியை விளைத்தது. பாடியோரைக் கேட்டான். அவர்கள் அறிந்தவாறு எடுத்து உரைத்தார்கள். ஏனைய பல்லாயிரம் பாசுரங்கள் இருக்குமிடமெது எனக் கேட்க பிறவற்றின் இருப்பிடம் யாதெனப் புலப்படுத்த அவர்களால் இயலவில்லை.

மிக்க ஆர்வத்தனாய் நாடெல்லாம் தேட ஆணையிடுகிறான். அப்படியும் அவை கிடைத்தபாடில்லை. அந்தச் சந்தர்ப்பத்தில் திருநாரையூரில் ஆதிசைவ மரபில் தோன்றிய நம்பியாண்டார் நம்பிகள் அவ்வூர்ப் பொல்லாப் பிள்ளையாரை அழுது படையலை உண்ணச் செய்யும் அற்புதம் நிகழ்த்தியும் அவர்பால் தமருடன் வளர்தரு சதுர் மறைகளைக் கேட்டு உணர்த்தும் வருதலை இராஜராஜன் கேள்விப்படுகிறான். முக்கனிகளும், பால், தேன் முதலிய பற்பல உண்டிகளும் எடுத்துக் கொண்டு திருநாரையூருக்கு மல்லல் மிகு சேனையுடன் இராஜராஜன் மன்னனும் வந்து சேர்ந்தான். வந்த மக்களையும் பண்டங்களையும் எடுத்துரைத்து அனைத்தையும் இப்பொழுதே அவனுக்கு படைத்தருள்க என வேண்டி நின்றான். நம்பி வினாயகனை அடிபணிந்து அனைத்தையும் உண்டருள வேண்ட ஒன்றுவிடாமல் உண்டருளினார் பொல்லாப் பிள்ளையார். இந்த அற்புதத்தைக் கண்டு மெய் அரும்பி, உளம் நெகிழ்ந்து, விழிநீர் சோர வியந்து மகிழ்ந்து நின்ற மன்னர் மன்னன், இவர் உதவியால்தான் திருமுறைதகளின் இருப்பிடத்தை அறிய முடியும் என்ற முடிவுற்கு வந்தான். முவர் அருளிய திருமுறைகளை வேண்டி நின்றான். நம்பிகளோ கண்ணீர் மல்கி, உள்ளம் கசிந்துருகி, பிள்ளையார் அடிபணிந்து முவர் தமிழ் இருந்தவிடம் தெரிந்தருள்க என, பொல்லாப் பிள்ளையார் தில்லைச் சிற்றம்பலத்தின் புறக்கடையின் பக்கம் கைமுத்திரையிட்ட அறையினுள்ளே அவை உள என உரைத்தார். கேட்ட மன்னன் கிளர்ந்தெழு மனத்தினனாகி, திருச்சிற்றம்பலத்தை அடைந்து மறையோர்கள் பலருக்கும் "கணபதி கூறியது இது'' என்று நிகழ்ந்ததை எடுத்துரைத்தான். தில்லைவாழ் அந்தணர்களோ அவற்றைச் செய்து வைத்த முவர் வந்தாலன்றி அறையைத் திறக்க முடியாது எனக் கூறினார்.

நுண்ணறிவு மிக்க இராஜராஜன் கூத்து வல்லானுக்குரிய ஆதிரைத் திருநாள் அன்று பெருவிழாவை எடுத்துத் தமிழ் விரகர் முவர் தமிழ் இருக்கும் அறையின் முன் கொணர்ந்து "முவரும் வந்தாயிற்று. இனி அறை திறக்கப்படலாம்'' என ஆணையாக வெளிப்பட்டது இராஜராஜன் குரல். வேறு வழியின்றி அறைக்கதவு அந்தணர்களால் திறக்கப்பட்டது. ஏடு இருந்த இடத்தில் எழும்பியிருந்தது கரையான் புற்று. மன்னன் மாதுயரம் உற்றான். மண் செறிவை எல்லாம் நீக்கி தைலக்குடங்கள் பலவற்றைச் சொரிந்து செல்மடியச் செய்து திரு ஏடுகளை எடுக்க, அளவற்ற ஏடுகள் அழிந்து பயனற்றதாய் விளங்கக் கண்டு உள்ளம் நைந்து அழுது புலம்பி அயர்ந்தது நின்றான். அப்போது "சைவநெறித் தலைவரெனும் முவர் பாடல் வேய்ந்தனபோல் மண்முடச்செய்தே ஈண்டு வேண்டுவன வைத்தோம்'' என்று ஓர் அசரீரி ஒலித்தது. அதைகேட்ட மன்னன் மண்டிய துயரம் மாற மகிழ்ச்சியுற்று நம்பியாண்டார் நம்பி அடிகள் முடி சேர்த்து நன்றிப் பெருக்கைப் புலப்படுத்தினான். சிவனடியார்க்கெல்லாம் உதவுக என்று தனது பண்டாரத்தைத் திறந்து விட்டான்.

நன்றி : மா. திருநாவிற்கரசு (பதிப்பாசிரியர்), சித்தியவான் அருள்மிகு சுப்பிரமணியர் திருக்கோயில் திருக்குட நன்னீராட்டு விழா மலர். 01.06.2008

கம்பன் திருநாள்

2009-03-19T06:48:00.000-07:00

இந்த ஆண்டு காரைக்குடி கம்பன் திருநாள் ஏப்ரல் ஆறாம் தேதி முதல் நடைபெற உள்ளது. இதன் முன் நிகழ்வாக காரைக்குடி கம்பன் மணிமண்டபத்தில் கம்பன் அடிப்பொடி நூற்றாண்டுவிழா நடைபெற உள்ளது. இவ்விழாவை கம்பன் அடிப்பொடி நூற்றாண்டு விழாக்குழுவினர் நடத்துகின்றனர். இவ்விழாவில் நீதிபதி இலக்குமணன் அவர்கள் தலைமை ஏற்கிறார்கள். கம்பன் கலைக் களஞ்சியுத்தையும் அவர்கள் வெளியிடுகிறார்கள். தொழிலதிபர் ஏ.சி. முத்தையா அவர்கள் இப்புத்தகத்தின் முதல் பிரதியைப் பெற்றுக் கொள்கிறார்கள். மத்திய அமைச்சர்கள் மாண்புமிகு ப. சிதம்பரம், மாண்புமிகு இரகுபதி, மாண்புமிகு இராசா, தமிழக அமைச்சர் மாண்புமிகு பெரிய கருப்பன் ஆகியோர் விழாவில் கலந்து கொண்டுச் சிறப்பிக்கின்றனர். குமுதம் இதழ்க் குழுமங்களின் தலைவர் ஜவகர் பழனியப்பன் அவர்கள் இவ்விழாவில் கலந்து கொண்டுப் பெருமைப்படுத்துகிறார்கள். மேலும் தோழர் தா.பாண்டியன் அவர்கள் நினைவுரையாற்றுகிறார்கள். திருமிகு இராஜேஸ்வரி நடராஜன், கணபதி ஸ்தபதி ஆகியோர் கம்பன் அடிப்பொடியாருடனான நினைவலைகளைப் பகிர்ந்து கொள்ளுகின்றனர்.

இதனைத்தொடர்ந்து ஏப்ரல் 6,7,8 தேதிகளில் கம்பன் திருநாள் காரைக்குடி கம்பன் மணிமண்டபத்தில் நிகழ்கிறது. ஏப்ரல் ஒன்பதாம் தேதி நாட்டரசன் கோட்டையில் இவ்விழா தொடர்கிறது.

முதல் நாள் அகத்தியன் (திரைப்பட இயக்குநர்) (இவர் திருச்சி ராதாகிஷ்ணன் அவர்களின் மாணவர்) மற்றும் திருமிகு சாரதா நம்பி ஆருரன் (இவர் தற்போது தமிழ்நாடு அரசின் தகவல் ஆணையர் பதவியில் இருக்கிறார்) ஆகியோர் கலந்து கொள்கின்றனர். இந்நிகழ்வில் கம்பன் அடிசூடி அவர்கள் ஏற்படுத்தியுள்ள மீனாட்சி பழனியப்பன் அறக்கட்டளைப் பொழிவினை சொல்லரசி இளம்பிறை மணிமாறன் அவர்கள் கம்பனில் எண்ணமும் வண்ணமும் என்ற தலைப்பில் ஆற்ற உள்ளார்கள். இவ்விழாவிலேயே இவ்வுரை புத்தகமாகவும் வெளிவருவது புதுமை. இதனை திருமிகு ஜவகர் பழனியப்பன் அவர்கள் வெளியிட இருக்கிறார்கள்.

அடுத்த நாள் (ஏப்ரல் 7) நிகழ்வில் திருமிகு கண. சிற்சபேசன் தலைமை ஏற்க திரு தெ. ஞானசுந்தரம் அவர்களும், இலங்கை ஜெயராஜ் அவர்களும் பங்கேற்கும் உரைக்கோலம் நடைபெற உள்ளது.

அடுத்த நாள் நிகழ்வில் ( ஏப்ரல் 8) திருமிகு நெல்லைக் கண்ணன் தலைமை ஏற்க பட்டி மண்டபம் நடைபெற உள்ளது. திருவாளர்கள் அப்துல் சமது, பழ. முத்தப்பன் ஆகியோர் இதனுள் வாதாட உள்ளனர்.

நாட்டரசன் கோட்டையில் இலங்கை ஜெயராஜ் அவர்கள் பங்கேற்றுச் சிறப்பிக்க உள்ளார்கள்.

இவ்விழாக்களுக்கு வந்து இருந்து கம்பன் கவி அமுதைச் சுவைக்க அன்போடு கம்பன் கழகத்தார் அழைக்கின்றனர். வருக. வருக. வளம் சேர்ப்போம்.

கம்பன் அடிப்பொடிநூற்றாண்டு விழா அழைப்பிதழ்

2009-03-19T05:37:00.000-07:00

அழைப்பிதழ்களைச் சொடுக்கினால் முழு அளவுள்ள அழைப்பிதழ் உங்களின் பார்வைக்கு வரும்

கம்ப இயக்கம் கம்பனடிப்பொடி

2009-03-18T17:40:00.000-07:00

சா.கணேசன் என்ற இயர்ப்பெயர் கொண்ட கம்பன் அடிப்பொடி அவர்கள் சா.க என முதல் எழுத்துக்கள் கொண்டும் அழைக்கப்பெற்றார். சா.க. சாகா வரம் பெற்று கம்பனின் பெருமை நினைவு கூரப் பெறும் இடமெல்லாம் இன்று நினைக்கப்படுகிறார். கம்பனின் விழாவை நடத்துவதற்கு அவர் ஏற்படுத்திய சிறு பொறி இன்று பெருந்தீபமாய் ஒளிவீசிக் கொண்டிருக்கிறது.

ஒரு காலத்தில் தமிழகத்தில் கம்பனுக்கும், இராமயணத்திற்கும் எதிர்ப்புகள் பல தோன்றியபோதும் அதே காலத்தில் கம்பனையும், இராமாயணத்தையும் ஒப்பற்ற இலக்கியமாக மக்களிடம் கலைவடிவில் சென்று சேரச் செய்த பெரும்பணி இவரைச் சேரும். கம்பனை எதிர்த்த, இராமாயணத்தை எதிர்த்த கூட்டத்தாரை எல்லாம் எண்ணி அழைத்து வந்து அவர்கள் வாயினாலேயே கம்பனைப் பேசவைத்துக் கம்பனை நிலைநாட்ட வைத்த இவரின் பெரும்புகழ் என்றும் நினைக்கத்தக்கது.

பெயரளவில் நடத்தப்படும் விழாக்களைக் கண்டு சோர்ந்து போயிருக்கும் இக்காலச்சூழலில் காரைக்குடி கம்பன் விழாவின் செய்நேர்த்தித் தன்மை இன்றளவும் நம்பமுடியாததாகவே இருக்கிறது. பெரும்விழாவை முன்நின்று நடத்த என்ன என்ன தேவையோ அத்தனையையும் அரும்பாடுபட்டுச்சேர்த்து கம்பன் அடிப்பொடி அவர்கள் தனி ஒரு மனிதராகவே கம்பன் விழாவை நடத்தி வந்திருக்கிறார் என்ற பின்னணியில் எண்ணிப் பார்த்தால் மட்டுமே அவர் ஒரு இயக்கமாய் இருந்திருக்கிறார் என்பது புரிய வரும்.

சட்டை தரிக்காமல், கொள்கைத் தெரிப்போடு அவர் நடத்திய கம்பன் விழாக்கள் இன்றைய விழா அமைப்பாளர்கள் அறிந்து கொள்ள வேண்டிய அதிசயங்கள். நேரந்தவறாமல் "கம்பன் வாழ்கவாழ்க, வாழ்க, கன்னித்தமிழ் வாழ்க வாழ்க, வாழ்க'' என்ற அவரின் தொடக்க முழக்கம் அவர் கொள்கையின் பதாகையாகவும் இருந்தது. நேரத்தினைத் திருத்திக்கொள்ளவும் உதவியது.

மேடைகளில் ஒழுங்கு கண்ட அவர் மேடைப்பேச்சாளர்களிடம் நெறிமை, பொருண்மை, நாகரீகம் முதலானவற்றை எதிர்பார்த்தார். சற்றும் குறைந்தவர்களைத் தள்ளி ஒதுக்கி வைத்தார். இவரது தாய் மேடையான காரைக்குடி கம்பன் கழக மேடைகளில் வலம் வந்ததவர்களே கம்பனைப் பேசத் தகுதி பெற்றவர்கள் ஆனார்கள். இங்கு சாதி, மதம், வேறு பாகுபாடுகள் எதுவும் இல்லை. கம்பன் மட்டுமே கருப்பொருள்.

இத்தகைய கம்ப இயக்கம் தோன்றுவதற்கு அவருக்குள் இருந்த கம்ப ஈடுபாடு காரணம். இளமைக்காலம் தொட்டே இவரது இல்லத்தில் இராமாயணம் படித்தல் என்ற முறைமை இருந்துள்ளது. அந்த விழாவே கம்பனை அறிமுகம் செய்து இவருக்குக் கம்பன் விழாவை எடுக்கத் தக்கக் கருவைத் தந்துள்ளது.

இவர் காரைக்குடி சாமிநாதன் செட்டியார், நாச்சம்மை ஆச்சி ஆகியோர்க்குப் புதல்வராக ஆயிரத்துத் தொள்ளாயிரத்து எட்டாம் ஆண்டில் பிறந்தார். இன்றைக்கு நாம் மகிழ்வோடு அவரின் நூற்றாண்டைக் கொண்டாடிக் கொண்டிருக்கிறோம்.

இளமையில் செல்வம் சேர்க்கும் நோக்கோடு இவர் பர்மா சென்றார். இருப்பினும் இந்திய நாட்டின் விடுதலை, காந்தியின் மேல் கொண்ட ஈடுபாடு போன்றவற்றால் கவரப் பெற்று பொருளாசையைப் பின்தள்ளி, கொள்கைப்பிடிப்பினை ஏற்று இவர் இந்தியா திரும்பினார். இதன்பின் இவர் காந்தியக் கொள்கைகள் மீது ஈடுபாடு கொண்டு அதன்வழி நடப்பதை இலக்காகக் கொண்டார். காந்தியடிகளின் காரைக்குடி சார்ந்த பயணங்களுக்கு இவரே வழிகாட்டி. நேரங்காப்பாளர். காந்தியடிகளும் ஜீவாவும் சிறாவயலில் சந்தித்து உரையாடியபோது உரையாடலில் உடன் பங்கு பெற்றவர் இவர்.

விடுதலைப்போரில் சிறை சென்று தாய்நாட்டின் விடுதலைக்காக தன் வாழ்நாட்களை ஈந்த பெருமகனார் இவர். அலிபுரம் சிறையில் இவர் சில மாதங்கள் சிறைவாசம் பெற்றுள்ளார். ஆயிரத்துத் தொள்ளாயிரத்து நாற்பத்து இரண்டாம் ஆண்டு வாக்கில் பதினெட்டு மாதங்கள் சிறையில் இருந்துள்ளார். விடுதலை பெறுவதற்கு முன்பேயே பல இலக்கிய அமைப்புகளை இவர் தொடங்கியுள்ளார். ஆயிரத்துத் தொள்ளாயிரத்து முப்பத்தெட்டில் இவர் தொடங்கிய கம்பன் கழகம் ஏறக்குறைய இன்றைக்கு எழுபது ஆண்டுகளை நோக்கி வெற்றி நடைபோட்டு வருகின்றது. விடுதலை பெற்ற இந்தியாவின் அரசியலிலும் இவர் செல்வாக்குப் பெற்றிருந்தார். ஆயிரத்துத் தொள்ளாயிரத்து ஐம்பத்து ஒன்பதில் ராஜாஜி சுந்திரா கட்சியை நிறுவியபோது இவர் முக்கிய பொறுப்புகளை மாநில அளவில் வகித்தார். ஆயிரத்துத் தொள்ளாயிரத்து அறுபத்து இரண்டாம் ஆண்டில் இவர் சட்டமன்றப் பேரவை உறுப்பினராக மக்களால் தேர்ந்தெடுக்கப்பட்டார். இவரின் அரசியல் பணியும் இவ்வகையில் சிறப்புற்றது. ஆயிரத்துத் தொள்ளாயிரத்து அறுபத்தெட்டாம் ஆண்டு முதல் ஆயிரத்துத் தொள்ளாயிரத்து எழுபத்து நான்காம் ஆண்டு வரை இவர் தமிழகச் சட்டப் பேரவையின் மேலவை உறுப்பினராக இருந்துத் தொண்டாற்றினார்.
இவருடன் இணைந்து கம்பன் கழகம் உருவாகக் காரணமானவர்கள் இருவர். ஒருவர் சீர்திருத்தச் செம்மல் சொ. முருகப்பா. மற்றொருவர் தமிழ்க்கடல் ராய. சொக்கலிங்கனார்.

இவர் ஏற்றி வைத்த கம்பதீபம் இன்றளவும் பல்கிப் பெருகி சுடர் பெருக்கி வருகின்றது. இன்றைய நல்ல பேச்சாளர்கள், சென்ற தலைமுறையின் தமிழறிஞர்கள் இந்தக் களத்தில் விளைந்தவர்களே ஆவர்.

அக்காலத்தில் காரைக்குடிக் கம்பன் கழகத்தின் முத்திரைப் பேச்சாளர்களாக விளங்கியவர்கள் பலர் ஆவர். அவர்களுள் குறிக்கத்தக்கவர்கள் நீதிபதி மகராசன், நீதிபதி மு. மு. இஸ்மாயில், தொ. மு. பாஸ்கரத் தொண்டைமான், ஏ.சி. பால்நாடார், க. கு கோதண்டராமன்,எஸ். ராமகிருஷ்ணன், அ.ச. ஞானசம்பந்தம், ஜீவா போன்றோர் ஆவர்.

திருச்சி பெரும்புலவர் இராதா கிருஷ்ணன், கம்பராசன், கண்ணதாசன், புலவர் கீரன், புதுவைக் கம்பன் கழகச் செயலர் அருணகிரி போன்றோர் எனக்கு நினைவில் இருக்கும் சென்ற காலச் சான்றோர் ஆவர்.

இன்றைக்குக் களத்தில் விளங்குகிற திருவாளர்கள் சுகி. சிவம், அறிவொளி, சத்தியசீலன், சாலமன் பாப்பையா, அ.வ. இராசகோபால், பழ. முத்தப்பன், இலங்கை ஜெயராஜ், மாது போன்றோர் நினைவிற்குவரும் தற்காலப் பேச்சாளர்கள் ஆவர்.

முனைவர் சரசுவதி இராமநாதன், இளம்பிறை மணிமாறன், சாரதா நம்பியாருரன், சுதா சேஷய்யன் ஆகியோர் கம்ப மேடைகள் தந்த வாய்ப்புகளால் வளர்ந்தவர்கள் என்பதில் அவர்களுக்கும் பெருமை. கம்பன் கழகத்திற்கும் பெருமை.

சென்னை, திருப்பத்தூர், புதுக்கோட்டை, திருச்சிராப்பள்ளி, மதுரை, ராஜபாளையம், தேரெழுந்தூர், வேலூர், கோயம்புத்தூர், ராசிபுரம், சேலம், விழுப்புரம் போன்ற பல தமிழக ஊர்களின் தற்போது கம்பன் கழகங்கள் விழாக்களை நடத்தி வருகின்றன. புதுச்சேரி என்ற யூனியன் பிரதேசத்தில் கம்பன் பெயரால் உள்ள கலையரங்கில் கம்பன் விழா ஆண்டுதோறும் அரசு சார் விழாவாக நடைபெற்று வருகின்றது. இதுதவிர இலங்கை, பிரான்ஸ், சுவிட்சர்லாந்து போன்ற அயல் நாடுகளிலும் கம்பன் கழகம் காலூன்றி வெற்றிநடை போட்டு வருகின்றது.

கம்பன் கழகம் புதிதாக ஓரிடத்தில் ஆரம்பிக்கப் பெற்றால் அவ்விடத்திற்குக் காரைக்குடிக் கம்பன் கழகத்தின் தாய்ச் சீர்வரிசை இன்றளவும் சென்று வருகின்றது. இது தாய்க்கழகத்தின் பெருமை. சேய்க்கழகத்திற்குக் கிடைக்கும் கௌரவம். படிக்கின்ற ஒவ்வொருவர் ஊரிலும் கம்பன் கழகம் இருக்கிறதா என்று பார்த்துக் கொள்ளுங்கள். இருந்தால் அதில் உறுப்பினராவோம். கம்பனடிப்பொடியை நாம் நேசிப்போம். கழகம் இல்லை எனில் உடனே தொடங்குவோம்.

கம்பன் அடிப்பொடி நல்ல சுவைஞர். மேடைப்பேச்சாளருக்கு அவர் ஒரு நக்கீரர். மேடைப்பேச்சாளர் நெறிமை தவறுகையில் இவரின் நக்கீர விளையாட்டு அரங்கேறும். பேச்சாளர்கள் இது கருதியே உழைத்து கம்பன் கழக களங்களுக்குப் பேச வந்தனர்.

கம்பன் அடிப்பொடி நல்ல ஆய்வாளர். இவரின் பிள்ளையார்பட்டி தலவரலாறு அடிப்படையில் ஒருகல்வெட்டு ஆராய்ச்சி நூல். பிள்ளையார்பட்டியில் உள்ள பிள்ளையாரைச் செதுக்கிய சிற்பியை வெளிக்கொணர்ந்த ஆராய்ச்சியாளர் இவர். இதனடிப்படையில் இக்கோயில் தோற்றுவிக்கப் பெற்ற ஆண்டினை வரையறுத்து இவர் அளித்துள்ளார். இவரின் மற்றொரு ஆராய்ச்சி கம்பனின் இறுதிநாள்கள் பற்றியது. இது குறித்து இவர் பல ஆய்வுகள் மேற்கொண்டு நாட்டரசன் கோட்டையை கம்பனின் இறுதி இடமாகக் காட்டினார். அது ஏற்கப் பெற்று இன்றளவும் ஒருநாள் கம்பன் விழா அங்கு நடைபெற்று வருகிறது. அதுபோல துல்லியமாக கம்பன் அரங்கேற்றிய கம்பராமாயண நாளை வெளிவுலகிற்கு அளித்த பெருமானும் இவரே ஆவார். இராசராசன் கல்வெட்டு ஆராய்ச்சி, சிற்பச் செந்நூல், கல்சொல்லும் கதை, தமிழ்த்திருமணம் ஆகியன இவரின் பிற நூல்களாகும்.

இதுதவிர அவ்வப்போது எழுதிய கட்டுரைகள் பல ஒன்று சேர்க்கப்பட வேண்டிய நிலையில் இருக்கிறது. தொகுக்கப்படும் அக்காலம் வரும். கம்பனடிப்பொடியின் எழுத்துக்கோவைகள் ஒரே நூலாக நம் கைகளில் தவழும் நாள் வெகு விரைவில் வரவேண்டும்.

இவரைப் பாராட்டி ஆயிரத்துத் தொள்ளாயிரத்து எழுபதாம் ஆண்டில் நீதிபதி மகாராசன் அவர்கள் "கம்பன் அடிப்பொடி '' என்ற பட்டத்தை வழங்கினார்.
இவர் 28.7.1982 ஆம் நாளில் இயற்கையோடு இணைந்தார்.

கம்பன் வாழ்க, கம்பன் புகழ் வாழ்க... கன்னித்தமிழ் வாழ்க. கம்பன் அடிப்பொடி வாழ்க.

கட்டுரை எழுத உதவிய நூல்கள்

1. டாக்டர் சே. குமரப்பன், சிவகங்கை மாவட்டத் தகவல்களஞ்சியம், மல்லிகை பதிப்பகம், தேவகோட்டை

2. வெற்றியூர் அரு. சுந்தரம், நகரத்தார் பெருமை, மணிமேகலை பிரசுரம், சென்னை, 2007

தேரெழுந்தூர் கம்பர் கோட்டத்தில் உள்ள கம்பரின் சிலை

2009-03-11T09:24:00.000-07:00

தேரெழுந்தூர் கோயிலில் உள்ள கம்பரின் சிற்பமும் அவர் மனைவியின்சிற்பமும்

2009-03-11T09:18:00.000-07:00

2009-03-11T09:16:00.000-07:00

கம்பன் திருநாள் அழைப்பிதழ்

கம்பனின் வெற்றி

2009-03-08T17:18:00.000-07:00

விருதுநகர் மாவட்டம் ராஜபாளையத்தில் இருக்கிறது கம்பன் கழகம். இந்த கழகத்தின் சார்பில் கவிச்சக்கரவர்த்தி கம்பன் எழதிய கம்பராமாயணம் பற்றி பல்வேறு நூல்கள் வெளியிடப்பட்டுள்ளன. இவர்களின் நூல்களைப் படித்து கோயம்புத்தூர் சிறையில் இருக்கும் மு.ஏகாம்பரம் என்ற ஆயுள் தண்டனைக் கைதி மனம் உருகி கம்பன் கழகத்திற்கு நான்கு பக்கத்திற்கு கடிதம் எழுதியிருக்கிறார்.
சிறைகளில் இருக்கும் சிறைவாசிகளை சமூகம் ரவுடிகளாகவும், சமூக விரோதிகளாகவும் தான் பார்த்து வருகிறது. ஆனால் அவர்களும் சாதாரண மனிதர்களின் மன உணர்வோடு தான் சிறை வாழ்க்கையை வாழ்ந்து வருகிறார்கள் என்பதை உணர்த்தும் வகையில் கடிதம் எழுதியிருக்கிறார்.
ஆயுள்தண்டனை பெற்று சிறை வாழ்க்கை வாழ்ந்து வரும் ஏகாம்பரம் நாளிதழ்களில் வரும் நூல் விமர்சனத்தில் கம்பன் கழகம் சார்பில் வெளியிடப்பட்ட ராமன் தரிசனம் நூலினை பற்றி படித்து விட்டு அந்த நூல்களை கேட்டு கம்பன் கழகத்திற்கு கடிதம் எழுதியிருக்கிறார். அக்கடிதத்தைக் கண்ட கம்பன் கழக பொதுச் செயலாளர் முத்துகிருஷ்ணராஜா கம்பனின் வாழ்வியல் நெறிகள், இராமனைச் தரிசிப்போம், சரணடைவோம் போன்ற நூல்களை அனுப்பி வைத்திருக்கிறார். அந்த நூல்களை படித்து விட்டுத் தான் மனம் உருக கடிதம் எழுதியிருக்கிறார். சிறையில் இருந்தாலும் அஞ்சல் வழியாக தமிழ் இலக்கியம் இளங்கலை பட்டம் இறுதியாண்டு பயின்று வருவதாகவும் இக்கைதி தெரிவித்து இருக்கிறார்.
சிறை வாழ்க்கை வாழும் எங்களுக்கு ராமாயணமும், மகாபராதமும் தான் விருப்பமான காவியங்கள். சிறை வாழ்வுக்கும் இராமாயணத்திற்கும் ஒரு வகையில் தொடர்பு உண்டு என்று தான் ஆயூட் தண்டனை பெற்றவர்கள் நம்புகிறார்கள். நம்புகின்றோம். இராமனின் கானக வாசம் 14 ஆண்டுகள். மகாபாரதத்திலே பாண்டவர்களின் கானக வாசமும் 14 ஆண்டுகள். இந்தியாவில் ஆயூட் தண்டனை சிறைவாச காலமும் 14 ஆண்டுகளே. சர்வ வல்லமை பெற்ற கடவுளர்களே மானிட அவதாரம் எடுத்து பூமியில் பிறக்கும் போது பட்ட கஷ்டங்களும், வேதனைகளும் எவ்வளவு? எத்தகையது என்பதை நினைத்துப் பார்க்கும் பொழுது எங்களின் இந்த சிறை வாசம் தூசுக்கு சமமானது. ஆறுதலும், தேறுதலும் அவற்றை படிக்கும் பொழுது எங்களுக்கு ஏற்படுகிறது.
பாரத கதாபாத்திரப் படைப்புகளை விட இராமாயண பாத்திரப்படைப்புகள் அதிலும் குறிப்பாகத் தமிழில் கவிச்சக்கரவர்த்தி கம்பனின் கண்ணோட்டத்தில் மிகவும் உன்னதமான நிலையிலும், முறையிலும் காட்டப்பட்டுள்ளதாக அறிகிறோம். மகன், மாணவன், கணவன், சகோதரன், சான்றோன், நண்பன், மாவீரன், மன்னிக்கும் மாதவன் என பல்வேறு முகங்களாய் வரிந்து காவிய முழுவதும் இராமன் காட்சி தருகிறார். கம்பனின் தத்துவக் கருத்துக்களும், உவமைகளும் அற்புதமாக பொருந்தவாக அமைந்துள்ளது என கைதி ஏகாம்பரம் கடிதம் எழுதியிருக்கிறார். பொதுவாக நூல்களை படிப்பவர்கள் இப்படி ஆழமாக கடிதம் எழுதியதில்லை. ஒரு சிறைச்சாலையில் இருக்கும் ஒரு ஆயுள்தண்டனை கைதியை ராமாயணமும், மகாபாரதமும் இந்த விதத்தில் பாதித்திருப்பதை ஆச்சர்யமாகவே பார்ப்பதாக சொல்லும் ராஜபாளையம் கம்பன் கழக பொதுச் செயலாளர் முத்துகிருஷ்ணராஜா இக்கைதியின் கடிதம் குறித்து சொல்லும் பொழுது.
கவிச்சக்கரவர்த்தி கம்பன் இந்த உலகில் வாழ்கின்ற ஒவ்வொரு மனிதனின் வாழ்க்கையையும் நெறிப்படுத்த வேண்டும் என்ற நோக்கத்தில் தான் ராமபாதையை இயற்றினார். அவரது எண்ணத்தை, லட்சியத்தை நிறைவேற்றத் தான் ராஜபாளையத்தில் கம்பன் கழகத்தை ஆரம்பித்தோம். இந்த கழகத்தின் சார்பில் ஆண்டு தோறும் கம்பனுக்கு விழா எடுத்து வருகிறோம். அதே சமயத்தில் கம்பனைப் பற்றிய பேச்சுப் போட்டி, கட்டுரைப் போட்டி வைத்து மாணவ, மாணவிகளிடையே கம்பனின் பெருமையை சென்றடைய வைத்து வருகிறோம். இப்படி போட்டிகளில் கலந்து கொண்டு வெற்றி பெற்றவர்கள், பின்னால் பெரிய உயர் பதவிகளில் சென்றதை கடிதங்கள் வாயிலாக அறிந்து வருகிறோம். மக்களிடையே கம்பனை பற்றிய விழுப்புணர்ச்சியை உருவாக்க ஆண்டு தோறும் பல நூல்களை வெளியிட்டும் வருகிறோம். இந்த நேரத்தில் ஒரு சிறையில் இருக்கும் ஒரு ஆயூள் தண்டனைக் கைதி எங்களின் நூல்களை கேட்டுப் பெற்று, படித்து கடிதம் எழுதியதை பார்த்து உண்மையில் நாங்கள் பெருமை அடைகிறோம். எங்களது பணி சிறைச்சாலைக்கு உள்ளேயும் சென்றிருக்கிறது.
சிறு வயதிலேயே இந்த நூல்களை எல்லாம் நாங்கள் படித்திருந்தால், இன்று சிறைச்சாலைக்கே வந்திருக்க மாட்டோம் என அவர்கள் கடிதம் எழுதுகிற பொழுது அவர்களை சிறு வயதில் வழி நடத்த சரியான ஆட்கள் இல்லை என நினைக்கத் தோன்றுகிறது. மன ஓட்டம், சிந்தனை வாழ்க்கையில் தோல்வி அடைந்து விட்டோமே, எப்படி வெற்றி அடைவது என்ற ஆதங்கம் தான் அந்தக் கைதிக்கு இந்த மாதிரியான நூல்களை படிக்க ஆதாரமாக இருந்திருக்கும். இந்த மாதிரியான மனிதர்கள் தண்டனை காலம் முடிந்து வெளியே வரும் பொழுது நிச்சயமாக நல்ல வாழ்க்கை வாழ்வார்கள் என்கிறார்.
www.tamiloviam.com/unicode/01180708.asp

'கம்பனடிப்பொடி' சா.கணேசன்

2009-03-08T16:55:00.000-07:00

செட்டிநாடுப்பகுதியைச் சேர்ந்த இரு நிலப்பகுதிகளை கானாடு அல்லது கானநாடு என்றும் கோனாடு என்றும் அழைப்பார்கள். கானாடுகாத்தான் என்ற ஊர்கூட இருக்கிறது. கானாட்டின் வடக்கில் இருப்பது கோனாடு. கானாடு, கோனாடு ஆகிய இருநாட்டிலும் வாழ்ந்த இருபத்துநான்கு கோட்டத்து வேளாளர்கள்தாம், வேளாளரைச் சிறப்பித்து 'ஏர் எழுபது' என்னும் நூலைக் கம்பரை இயற்றச்செய்து, அரங்கேற்றி, பரிசில்களும் வழங்கினர். பொன்னமராவதி என்னும் கோனாட்டைச் சேர்ந்த ஊரின் தலைவராகிய பொய்சொல்லாதேவன் என்னும் கள்ளர் மரபினரின் தலைவரிடம் இதுகுறித்து ஒரு சாசனம் இருந்தது. புதுக்கோட்டை அரசினரிடம் அந்த சாசனம் சேர்ப்பிக்கப்பட்டது. கம்பர் தன் இறுதிக்காகாலத்தில் செட்டிநாட்டில்தான் இருந்தார் என்று நம்பப்படுகிறது. கானாட்டின் முக்கிய ஊர்களில் ஒன்று நாட்டரசன்கோட்டை. அங்கு 'கண்ணுடையநாயகியம்மன்' கோயில் என்ற அம்பிகை கோயில் இருக்கிறது. அந்த ஊரையும் கம்பனையும் சம்பந்தப்படுத்துவார்கள். கம்பன் அடங்கிய இடம் என்று அதனைச் சொல்வார்கள். அங்கு கம்பன் அடங்கிய இடமாகக் குறிக்கப்படும் நடுகல்லுடன் கம்பன் செய், கம்பன் குளம், கம்பன் ஊருண்ணி என்ற பெயர்களும் வழங்குகின்றன. 1775இல் முத்துநாயகப்புலவர் என்பவர் 'கண்ணுடையநாயகியம்மன் பள்ளு' என்ற சிறு பிரபந்தத்தைப்பாடியுள்ளார்.. அதில் ஓரிடத்தில், 'வாசமான தென்பாண்டி நன்னாடு மதுரை நாட்டில் வளருமிந்நாடு காசினிக்குள் கதிர்க்கின்ற நாடு முன்கம்பர் வந்து துதிக்கின்றநாடு. பூசுரர்க் கன்னதானம் செய்நாடு புலவர் மேல்அபிமானஞ் செய்நாடு ராசலட்சுமி கண்ணுடை யாள்அருள் நல்கு நாட்டரசன் கோட்டை நாடே.' அந்தத்தொடர்பால் கம்பன் விழா சமயத்தில் அங்கும் ஒரு விழா நடக்கும். கம்பன் விழாவை முதன்முதலில் தோற்றுவித்தவர் 'காரைக்குடி கம்பன்' என்று மக்களால் அழைக்கப்பட்டு வந்த 'கம்பனடிப்பொடி' சா.கணேசன் அவர்கள். வரலாற்றாராய்ச்சிப் பேரறிஞர்; மிகச்சிறந்த தமிழறிஞர். தேசத்தியாகி. பாரதம் சுதந்திரம் அடையும்வரை சட்டையே போடுவதில்லை என்ற விரதத்தை மேற்கொண்டவர். பாரதவிடுதலைக்குப் பிறகும்கூட சட்டை போடாமலேயே இருந்தவர். தனதூராகிய காரைக்குடியில் கம்பன் கழகத்தைத் தோற்றுவித்தவர். தன்னுடைய பேரனுக்கு 'கம்பன்' என்று பெயரிட்டு வாய்நிறைய அழைத்து இன்பம் கண்டவர். அவர்தான் காரைக்குடியில் தொடர்ந்து அவ்விழா நடைபெறும் வண்ணம் ஏற்படுத்தியவர். பக்தி இலக்கியம் என்ற தகுதியை மட்டுமே பெற்றிருந்த கம்பராமாயணத்தை ஒரு பேரிலக்கியமாகப் புகழ் பெறச்செய்த பெருமையில் சா.கணேசனுக்குப் பெரும்பங்கு உண்டு. பல இடங்களில் கம்பன் கழகங்களையும் நிறுவக்காரணமாக இருந்தவர். முதன்முதலில் 1939ஆம் ஆண்டில் அவர் காரைக்குடியில் கம்பன் கழகத்தைத் தோற்றுவித்தார். கி.பி.886ஆம் ஆண்டு பங்குனி மாதம், நான்காம் நாள், புதன்கிழமை, ஹஸ்த நட்சத்திர நாளன்று கம்பராமாயணம் அரங்கேற்றப்பட்டதாக சா.கணேசன் தம் ஆராய்ச்சியால் நிறுவியுள்ளார். ஆகவே ஒவ்வொரு ஆண்டும் பங்குனி மாதத்தில் மகம், பூரம், உத்தரம் ஆகிய மூன்று நாட்களில் காரைக்குடியிலும் ஹஸ்தநட்சத்திரன்று நாடரசன்கோட்டையிலுள்ள 'கம்பனுடைய பள்ளிப்படை' என்னும் இடத்திலும் கம்பன் திருவிழா கொண்டாடப்படுகிறது. 1952ஆம் ஆண்டில் கம்பன் விழாவை முதன்முதலாகக் கொண்டாடத்தொடங்கினர். இவ்வழக்கத்தை ஏற்படுத்தியவர் சா.கணேசன்தான்.

கம்பன் அடிப்பொடி அவர்களின் தமிழ்த்தாய் கோயில்

2009-03-08T16:21:00.000-07:00

மொழியைத் தாயாக மதிப்பவர்கள் தமிழர்கள். மதுரையில் தமிழன்னைக்கு சிலை கூட நிறுவப்பட்டுள்ளது. ஆனால் அந்தத் தமிழ்த் தாய்க்கு ஒரு கோவிலையும்கட்டி தெய்வமாக்கி வழிபட்டு வருகிறார்கள் செட்டி நாட்டுக்காரர்கள்.செட்டி நாட்டின் மையப்பகுதியில் அமைந்துள்ள காரைக்குடிக்கும், தமிழுக்கும் நெருங்கிய தொடர்பு உண்டு. உலக மகா கவிஞன் கம்பனுக்கு விழா எடுத்த முதல்ஊர் காரைக்குடிதான்.
ஒவ்வொரு ஆண்டும் பங்குனி மாதம் மக நாள் தொடங்கி, தொடர்ந்து 4 நாட்களுக்கு நடைபெறும் கம்பன் விழாவில் பங்கு பெறாதசொற்பொழிவாளர்களோ, தமிழறிஞர்களோ இல்லை எனும் அளவுக்கு காரைக்குடி கம்பன் விழா சிறப்புடையது.தமிழ் இலக்கியங்களில் காரைக்குடியின் ஒரு பகுதியான கழனிவாசல் குறிப்பிடப் பெற்றுள்ளது. கழனிவாசல் பகுதியில் ஏழகப்படை செயல்பட்டதாகக்குறிப்புகள் உள்ளன. கழனிவாசல் பகுதியில் உள்ள வைணவத் திருக்கோயில் ஏழகம்பெருமாள் என்று இப்போதும் வழங்கப்படுகிறது.உலகத்திலேயே முதன் முதலாக மொழியைத் தெய்வமாக்கி, கோவில் அமைக்கும் எண்ணம் காரைக்குடி கம்பன் கழகத்தை நிறுவிய கம்பன் "அடிப்பொடி"சா. கணேசன் அவர்களுக்கு உதித்தது. அதன் பயனாக இன்று தமிழ்த் தாய் கோவில் காரைக்குடியில் தலை நிமிர்ந்து நிற்கிறது.

கம்பன் மணி மண்டபத்தின் வலதுபுறத்தில் வடக்கு நோக்கியவாறு தமிழ்த் தாய்க் கோவில் அமைந்துள்ளது.மும்முனை நிலத்தில் ஆறுபட்டை, ஆறு நிலை, ஆறு விமானங்கள் கொண்ட கோவிலாக அமைந்துள்ளது.தமிழ்த் தாய்க் கோவிலின் பரிவார தெய்வங்களாக, வட கீழ் கோடியில் வள்ளுவரும், தென் கோடியில்இளங்கோவடிகளும், வட மேல் கோடியில் கம்பரும் தனி விமானம் கொண்டு காட்சி தருகின்றனர்.தமிழ்த் தாய்க் கோவிலின் நுழைவாயிலின் முன் ஒலித்தாய், வரித்தாய் ஆகியோர் துவார பாலகியராக நிறுவப்பெற்றிருக்கின்றனர்.கருவறையில் தமிழ்த் தாயின் வலப்புறம் அகத்தியரும், இடப்புறம் தொல்காப்பியரும் நின்ற நிலையில்காணப்படுகின்றனர்.

கருவறையில் தமிழ்த்தாய் நான்கு கைகளுடன் தாமரை பீடத்தில் அமர்ந்தவாறு காட்சியளிக்கிறாள்.வலது முன் கையில் சுடர் உள்ளது. இடக்கையில் யாழ் உள்ளது. கீழ் வலக்கையில் உத்திராட்ச மாலையும், கீழ்இடக்கையில் சுவடியும் இடம் பெற்றுள்ளன.சேர, சோழ, பாண்டியர்களான மூவேந்தர்களும் தமிழைப் போற்றி வளர்த்தனர் என்பதை உணர்த்தும் வகையில்,அவர்களின் சின்னங்களான வில், புலி, மீன் ஆகியவை தமிழ்த் தாயின் பின்புறம் உள்ள திருவாச்சியில்பொறிக்கப்பட்டுள்ளன.
வலது கால் கீழே தொங்கியவாறும், இடது கால் மடித்த நிலையிலும் தமிழன்னை சுகாசனமாக வீற்றிருக்கிறாள்.தமிழ்த்தாயின் கால்களைச் சிலம்பும், தண்டையும் அணி செய்கின்றன.நடராஜ மூர்த்திக்குப் பிறகு இம்மூர்த்தியே பல்லாற்றானும் கலை, தத்துவம், விஞ்ஞானம் ஆகிய மூன்றின் கருத்துச்செறிவும் உடையது."எங்களைப் போன்ற ஸ்தபதிகளுக்கு இந்த இரு மூர்த்திகளுந்தான் அற்புதப் பொருளாக உள்ளன" என்றுவைத்தியநாத ஸ்தபதி வியந்து குறிப்பிடுகிறார்.

முதல் பக்கம் » செய்திகள் » முழு விபரம்
வழிபாட்டு முறைகள் செவ்வாய்க்கிழமை, செப்டம்பர் 4, 2001
தமிழ்த் தாயை வழிபடுவதற்கான சில முறைகளும் வகுக்கப்பட்டுள்ளன. அவையாவன:
மலர் மாலை , நறும்புகை முதலியவை திருமுற்றத்தில் அதற்கென உள்ள தாம்பாளம் முதலியவற்றில் படைக்கப் பெறும். ஒவ்வொரு மாதமும் முதல் நாள் திருவுருவங்கட்கு எண்ணெய் சார்த்தி திருநீராட்டுச் செய்யப் பெறும். மூர்த்திகட்குத் திருநீராட்டு செய்யும் போது அதற்கென அன்று ஆக்கிய தொன்னை போன்றவற்றாலேயே நீராட்ட வேண்டும். உலோகம், மரம், மண் கலன்கள் ஆகியவற்றைப் பயன்படுத்தக் கூடாது (திருக்குட நீராட்டு விழா போன்ற பெருஞ்சாந்திக் காலங்களில் மட்டும் இவ்விதி தளர்த்தப் பெறும்.
தமிழ்த்தாய் முதலிய வழிபாட்டுத் திருவுருவங்கட்கு ஆடை, அணிகலன், மாலை முதலியவை அணிதல் கூடாது. ஆனால் மூர்த்திகளை எவ்வகையானும் ஒட்டாமல் அணி செய்யப்படும்.
மா, வாழை, பலா, இளநீர், தேங்காய், தேன், பால், சர்க்கரை போன்ற பொருட்கள் தமிழ் தெய்வத்திற்குப் படைக்கப்படுகின்றன.
கோவில் பொது வழிபாடு நிறைவேறியதும் தேங்காய், பழம், மலர் முதலியன நறைந்த படையல் தாம்பாளத்தை வந்திருக்கும் பெருமக்களில் வயது, அனுபவம் ஆகியவற்றால் மூத்த ஒருவருக்கு (சாதி-மத-பேதமின்றி) வழங்கிய பின் யாவர்க்கும் சந்தனம், மலர், சர்க்கரை ஆகியவை அருட் பொருளாய் (பிரசாதம்) வழங்கப் பெறும்.
மூர்த்திகட்கு நீராட்டுவது (குடழுக்கு), ஆண்டு பன்னிரெண்டுக்கு மேல் போகாமல் வரையறை செய்து விட வேண்டும். எண்ணெய், பால், தயிர், இளநீர், பழச்சாறுகள், நிறுமண நீர், கங்கை, மந்திரக்கலய நீர், பன்னீர் போன்றவை திருநீராட்டுக் காலத்தில் பயன்படுத்தப் பெறும்.
மந்திரக் கலய நீரை புனித நீராக ஆக்குவதற்கு மூன்று, ஆறு, பன்னிருவர் இருந்து தமிழ்ப் பாசுரங்கள் பாடி பாராயணம் செய்ய வேண்டும். 16, 24, 32, 64, 96, 108 முறை மாறி மாறிப் பாசுரங்கள் ஓதப்படும். அத்துடன் போற்றி வணக்கம் ஓதி, மலரும் பச்சிலையும் தூவப்படும். இந்த மந்திரக் கலய நீரை மேளவாத்தியம், தீவட்டி முதலிய மரியாதையுடன் எடுத்துச் சென்று திருநீராட்டு செய்யப்படும்.
தமிழ்த் தாய் மீது, மரபுக்கேற்றவாறு புலவர் பெருமக்களைக் கொண்டு பாடல்கள் யாத்து "தமிழ்த் தாய் பிரபந்தம்"என தமிழ்த் தாய் கோவில் திறப்பின்போது நூல் வெளியிடப்பட்டது. அப்பிரபந்தப் பாடல்களை நாள்தோறும்கோவிலில் ஓதுவார் இசைக்க வழிபாடு நடைபெறுகிறது

சி. சிதம்பரம், எம்.ஏ., எம்.பில் (பி.எச்.டி),முனைவர் பட்ட ஆய்வாளர்,தமிழ்த் துறை,அழகப்பா பல்கலைக்கழகம்,காரைக்குடி.

2009-03-08T15:45:00.000-07:00

தேரெழுந்தூர் பெருமாள் கோயில்